ခရီးသည်

                                                                 ခရီးသည်

မိမိသည်စာရေးဆရာမဟုတ်။စာရေးသားခြင်းဖြင့်လည်းအကျွမ်းတဝင်မရှိ။သို့သော်စာဖတ်ဝါသနာပါ၏။စာလည်းများများစားစားဖတ်နိုင်သူမဟုတ်ပါ။သို့ပင်ဖြစ်ငြားပေးသလောက်အခြေအနေနှင့်အချိန်ရလျှင်ရသလိုဖတ်ပါသည်။စာဖတ်နာသူမဟုတ်သော်လည်းဖတ်သမျှစာတွေ၏ဆိုလိုရင်းကိုဖမ်းမိနိုင်အောင်ကြိုးပမ်းပါ၏။ဒါသည်လည်းငယ်စဉ်ကဖတ်ခဲ့သောစာအုပ်ဝေဖန်ရေးဆောင်းပါးများနှင့်ရုပ်ရှင်ဝေဖန်ရေးဆောင်းပါးများကြောင့်ဖြစ်လိမ့်မည်ထင်သည်။ပြောလိုရင်းမှာမိမိစာရေးသားသူတစ်ဦးမဟုတ်ကြောင်းဖြစ်ပါသည်။

သို့တိုင်အထက်တန်းကျောင်းသားဘဝတွင်နံရံကပ်စာစောင်နှင့်လက်ကမ်းစာစောင်တို့၌လက်တည့်စမ်းခဲ့ဘူးကြောင်းဝန်ခံလိုပါသည်။ကိုးတန်းဆယ်တန်းကျောင်းသားလောက်မှာထိုစဉ်ကထုတ်ဝေသောသွေးသောက်မဂ္ဂဇင်း၏ပင်တိုင်ကဏ္ဏဖြစ်သောစာပေါလောကသို့စာမူပေးပို့ခဲ့ဘူးသည်။လဆန်းရက်ရောက်လျှင်သုခစာပေတိုက်သို့မယောင်မလည်သွားပြီးမိမိရေးပို့သောစာမူပါမပါဟိုလှန်ဒီလှန်လုပ်ပြီးကြည့်ခဲ့ရပါသည်။မဂ္ဂဇင်းတစ်စောင်နှစ်ကျပ်သုံးကျပ်ဆိုသော်လည်းမိမိမုန့်ဘိုးနှင့်ဝယ်မဖတ်နိုင်ပါ။၁၉၇၃ခုနှစ်တွင်ဗိုလ်သင်တန်းတက်စဉ်တွေးမိခံစားမိသမျှကိုစာရေးသားဖွဲ့ဆိုခဲ့ပါသည်။သို့သော်ဘယ်မဂ္ဂဇင်းကိုမျှမပေးပို့ဖြစ်တော့။ရံခါငွေတာရီမဂ္ဂဇင်း၏တက္ကသိုလ်ကဏ္ဏသို့ပေးပို့လိုသောဆန္ဒပေါ်သော်လည်းပင်ပန်းခြင်း၊စာထည့်ရန်အခက်အခဲရှိခြင်းတို့ကြောင့်ဘယ်ကိုမှမပို့ဖြစ်တော့။

မိမိဒဏ်ရာရပြီးတပ်မတော်ဆေးရုံတွင်တစ်ဆက်တည်း(၁၇)လကြာတက်ခဲ့ရ၏။ကုသမှုမပြီးဆုံးသော်လည်းဆေးရုံမှခေတåဆင်းပြီးမိခင်တပ်ရင်းသို့ပြန်ခဲ့ချိန်တွင်အနှစ်နှစ်အလလမိမိသိမ်းဆည်းထားသောနေ့စဉ်မှတ်တမ်းဟောင်းများ၊စိတ်ကူးပေါ်ခိုက်မိမိတောင်ခြစ်မြောက်ခြစ်ရေးသားခဲ့သောစာမူများ(ရည်းစားစာလိုလို၊ဘာလိုလိုစာတွေလည်းပါရဲ့)အားလုံးကိုမီးရှို့ဖျက်ဆီးခဲ့ပါသည်။မိမိဒဏ်ရာရချိန်မှစ၍ဘာစာကိုမျှမရေးချင်၊ဘာစာကိုမျှလည်းမဖတ်ချင်သောအချိန်ကာလတစ်ခုရှိခဲ့ကြောင်းဆိုလိုရင်းဖြစ်ပါသည်။(ပုဂ္ဂိုလ်ရေးပေးစာများကိုဆိုလိုပါသည်။စာအုပ်စာပေမပါဝင်ပါ။)

မိမိဆေးရုံနေ့ရက်များအတွင်းသူငယ်ချင်းအချို့လာရောက်တွေ့ဆုံရင်းစာရေးသားခြင်းဖြင့်အချိန်တွေကိုကုန်ဆုံးသင့်ကြောင်းပြောခဲ့ငြားမိမိစိတåဇကြောင့်ရေးသားခဲ့ခြင်းမရှိ။နောက်တော့ဌာနဆိုင်ရာဝန်ထမ်းဘဝဖြင့်အနှစ်သုံးဆယ်ကျော်အချိန်ကုန်ခဲ့ပြီးအငြိမ်းစားခဲ့ပါသည်။အသက်မပြည့်မီအငြိမ်းစားယူခဲ့ခြင်းအပြင်ခါနာ(ထမင်း)အတွက်အခက်အခဲတချို့ရှိသဖြင့်အိမ်သူကသင့်တော်ရာအလုပ်လေးရှာဖွေလုပ်ကိုင်ဖို့တိုက်တွန်း(နားပူနားဆာ)ပါသော်ငြားကိုယ့်ဝမ်းနာကိုယ်သာသိသောမိမိအဖို့ဝန်ထမ်းလုပ်ရန်အလွန်ကြောက်နေမိ၏။ဘာအရင်းအနှီး၊ဘာကျောထောက်နောက်ခံမှမရှိသော်လည်းဟန်ကိုယ့်ဖို့ဖြင့်ကိုယ်ပိုင်လုပ်ငန်းမှလွဲ၍မည်သည့်လခစားအလုပ်မျှမလုပ်ပါရစေနှင့်တောင်းပန်ရ၏။

တနေ့ပြည်မြို့မှညီငယ်ကာတွန်းဖိုးချွဲကဖုန်းဆက်လာ၏။ယခုနှစ်တန်ဆောင်မုန်းလပြည့်နေ့တွင်ပြုလုပ်မည့်မိမိတို့၏ကျောင်းအာစရိယပူဇော်ပွဲသည်ငွေရတုသို့တိုင်ပြီဖြစ်ကြောင်း၊ငွေရတုအထိမ်းအမှတ်မဂ္ဂဇင်းထုတ်ဝေမည်ဖြစ်၍ကျောင်းသားဟောင်းများကစာမူများပေးပို့စေလိုကြောင်းသတင်းပေးလာ၏။မိမိလည်းအိမ်တွင်ဘာအလုပ်မျှမလုပ်ပဲအငြိမ်းစားစစ်စစ်ဖြင့်သုံးနှစ်မျှနေလာခဲ့ပြီးဖြစ်ရာဘာလုပ်လို့လုပ်ရမှန်းမသိသောကာလမို့ကြိုးစားကြည့်မည်ဖြစ်ကြောင်း၊အခြားသူငယ်ချင်းများကိုလည်းထပ်ဆင့်အကြောင်းကြားပေးမည်ဖြစ်ကြောင်းကတိပြုလိုက်မိ၏။

မိမိငယ်စဉ်ကလေးဘဝမှသည်ဆယ်တန်းကျောင်းသားအထိတောက်လျှောက်နေလာခဲ့သောကျောင်းမို့သံယောဇဉ်ရှိပါသည်။ကျောင်းကြီးကိုသာမက၊ကျောင်းကဆရာ၊ဆရာမများအားလုံးကိုအမြဲလွမ်းဆွတ်သတိရပါသည်။ထိုခေတ်ထိုကာလများဆီကဆရာတပည့်ဆက်ဆံရေးကိုအောက်မေ့သတိတရဖြစ်မိသည်။လွန်စွာနွေးထွေးသောမိသားစုဆက်ဆံမှုပုံစံဖြစ်ပါသည်။တချိန်တည်းမှာပင်စာမူတစ်ပုဒ်ကြိုးစားရေးသားမည်ဟုစိတ်တင်းဖြစ်သွားပါသည်။ကျောင်းနေဖက်ငယ်သူငယ်ချင်းများထံလည်းဆင့်ကမ်းသတင်းဖြန့်ဝေလိုက်ပါသည်။

သို့နှင့်မိမိတို့ကျောင်း၏အထင်ကရနေရာများ၊အမှတ်တရပုံရိပ်များကိုစိတ်ကူးနှင့်စတင်ရေးသားကြည့်မိပါသည်။မိမိတို့ကျောင်းကြီးဘယ်မျှခမ်းနားကြောင်း၊မိမိတို့ပျော်ရွှင်ကြည်နူးဖွယ်စာသင်ရက်များအကြောင်း၊နွေးထွေးကြင်နာသောဆရာတပည့်ဆက်ဆံရေးအကြောင်းစသည်စသည်ဖြင့်။ ။ ။

အခြားသူငယ်ချင်းတွေထံလည်းဖုန်းဖြင့်ဘာတွေရေးကြလည်းစပ်စုကြည့်မိ၏။တိုက်ဆိုင်စွာသူတို့လည်းကျောင်းနှင့်ပတ်သက်သမျှပုံရိပ်တွေကိုပြန်လည်ဖမ်းယူပုံဖေါ်နေကြသည်ဟုဆိုလေသည်။ခက်ပြီ။စိတ်ကူးတွေထပ်ကုန်ရော့မည်။ဒီလိုနှင့်မိမိစာရေးသားမည့်အစီအစဉ်ကိုလက်လျော့လိုက်မိသည်။သည်လိုနှင့်စာမူပေးပို့ရမည့်နောက်ဆုံးရက်သည်နီးကပ်လာသည်။ဖိုးချွဲ(ပြည်)ကလည်းတယ်လီဖုန်းနှင်မကြာမကြာနှိုးဆော်၏။စာမရေးရသေးကြောင်းအားနာ၍ပြောမထွက်။အဆင်ပြေအောင်ရေးပို့ပေးမည်ဟုအလွယ်ကတိပေးမိပြန်သည်။

နောက်ဆုံးစာမူပေးပို့ရမည့်ရက်သည်လေးငါးရက်မျှသာလိုတော့သည်။ကျောင်းသာ’ဟောင်းတစ်ဦးဖြစ်သောကာတွန်းစိုးသော်တာကသူ၏လူမှုကွန်ယက်စာမျက်နှာပေါ်မှနေ့စဉ်နှိုးဆော်နေပြီ။မိမိဘာမျှမရေးရသေး။ဖြစ်ချင်တော့စာမူနောက်ဆုံးတောင်းခံသည့်ရက်မှာမိမိခရီးတစ်ခုသွားရမည်။ထိုခရီးစဉ်အတွင်းမိမိသည်ပါတ်ဝန်းကျင်တစ်ခုလုံးနှင့်အဆက်ပြတ်နေမည်။အကြွေးတစ်ခုချန်ပြီးနောက်ဆံတငင်ငင်နှင့်မိမိခရီးမသွားလို။ညတွင်းချင်းစာတစ်ပုဒ်ရေးဖြစ်သွားသည်။မိမိထံမှာသိမ်းဆည်းထားသောသူငယ်တန်းလေးအောင်လက်မှတ်နှင့်ဆယ်တန်းစာမေးပွဲကို(ခ)အဆင့်ဖြင့်အောင်ကြောင်းထောက်ခံစာနှစ်စောင်ကိုအကြောင်းပြုပြီးမိမိတပ်မတော်သို့ဝင်ရောက်ခဲ့ပုံကိုဆောင်းပါးတစ်ပုဒ်ရေးဖြစ်သွားသည်။ခေါင်းစဉ်ကိုအဝေးဆုံးခရီးရဲ့အစဟုအမည်ပေးလိုက်မိသည်။နောက်နေ့ကွန်ပျူတာရိုက်ပြီးသူငယ်ချင်းတင်ချို၏ကားဖြင့်အဝေးပြေးဂိတ်မှတစ်ဆင့်ပြည်မြို့သို့မောင်မောင်ထွေး(သုံးထပ်ကွမ်းလူရည်ချွန်)စာမူနှင့်အတူပို့လိုက်သည်။အချိန်နှင့်တပြေးညီလို့ပဲပြောမလား၊ဖုတ်ပူမီးတိုက်ပဲပြောမလား၊တပ်မတော်သားတွေနောက်ပြောင်ပြောသည့်အီကောပလင်န်(plan)ပဲလားမဆိုနိုင်။

စာမူပို့ပေးပြီးနောက်မိမိခရီးသွားရတော့မည်ဖြစ်ရာတင်ချိုကပဲမိမိသွားလိုရာကိုနိဗ္ဗာန်ကူးတို့ပြုရှာပါသည်။ကျောင်းစာစောင်သည်နိုဝင်ဘာလမှာထုတ်ဝေပါလိမ့်မည်။မိမိအတွက်တော့စာမူအဖြစ်ဖေါ်ပြခံရခြင်း၊မခံရခြင်းသည်အဓိကမကျပါ။တာဝန်တစ်ရပ်ကိုအချိန်မီထံဆောင်နိုင်ခြင်းအတွက်ကြီးစွာပီတိဖြစ်ရပါသည်။

အထူးပြောလိုသည်မှာမိမိတစ်သက်စွန့်အသွားခဲ့ပြီဟုမိမိယူဆခဲ့သောစာရေးသားခြင်းအမှုကိုကာတွန်းဖိုးချွဲ(ပြည်)၏ကျေူးဇူးဖြင့်တဖန်ပြန်လည်ဖြတ်သန်းနိုင်ခဲ့ပါသည်။ထိုပြင်မိမိစာမူ၏ခေါင်းစဉ်ကိုအဝေးဆုံးခရီးရဲ့အစဟုပညတ်ခဲ့သောကြောင့်မိမိဝါသနာအလျောက်အစမ်းစာများပြန်လည်ရေးသားဖြစ်ခဲ့ပါပြီ။သူငယ်ချင်းအချို့ကစာစောင်၊မဂ္ဂဇင်းအချို့သို့ကလောင်သွေးသင့်ကြောင်းရင်းနှီးစွာအကြံပြုကြပါလေ၏။မိမိအတွက်တော့အယ်ဒီတာရွေးမှပါနိုင်သောစာစောင်ထက်မိမိ၏လူမှုကွန်ယက်မှတစ်ဆင့်မိမိမိတ်ဆွေများ၏ဖတ်ရှုဝေဖန်မှုကိုပိုမိုလိုလားပါသည်။တစ်ဆက်တည်းမိမိပိုင်ဘလော့ဂ်မှလည်းထိုရေးသားပြီးစာများကိုတင်ခွင့်ရသဖြင့်ကျေနပ်ပီတိဖြစ်ရပါသည်။

အဝေးဆုံးခရီးရဲ့အစဟုခေါင်းစည်းပေးပြီးရေးသားခဲ့သဖြင့်ဇာတ်လမ်းတစ်ခုသဖွယ်အလယ်တို့အဆုံးတို့လာရပေဦးမည်။သံသရာသည်ရှည်လျားနိုင်လွန်းလှပေ၏။