ကျွန်တော်ကရုပ်ရှင်ဝါသနာအိုး။ဒါပေမဲ့အလုပ်တာဝန်အရရုပ်ရှင်ရုံနဲ့အလှမ်းဝေးခဲ့ရတယ်။ကံကောင်းချင်တော့ဒဏ်ရာရပြီးဆေးရုံအကြာကြီးတက်ရပြန်တော့(လာပြတဲ့)ရုပ်ရုင်တစ်ပတ်နှစ်ကားလောက်ကြည့်ဖြစ်ပြန်တယ်။အခုပြောချင်နေတာကကျွန်တော်
crazy ဖြစ်တဲ့ဆရာမောင်ဝဏ္ဏရဲ့ဇာတ်ကားကိုဒါရိုက်တာ“ဝိုင်း”ကပြန်ရိုက်မယ်ဆိုတာမူရင်းဝတ္ထုရေးသူဆရာမောင်သာရရဲ့ဆောင်းပါးအရသိရလို့ကိုယ့်အမြင်လေးပြောပြချင်လို့ပါ။ဝေဖန်ရေးမဟုတ်သလိုကြော်ငြာထိုးတာလည်းမဟုတ်ပါဘူးခင်ဗျာ။
ဆရာကြီးမောင်သာရဆိုတာကျွန်တော်တို့ချာတိတ်ပေါက်စကတည်းကအသေအလဲကြိုက်ခဲ့ရတဲ့စာရေးဆရာပေါ့။“လမ်း၌တွေ့ခဲ့သောသစ်ပင်တစ်ပင်”ဆိုမြန်မာပြည်ရဲ့တဂိုးလို့တောင်ဆရာကြီးတစ်ဦးကမှတ်ချက်ပြုရလောက်အောင်အဖွဲ့အနွဲ့အရေးအသားနုရွခဲ့သူပါ။“ထဘီကျွတ်၍လွှတ်လိုက်သည်”၊“သူ့အရင်ကတစ်ယောက်၊သူကတစ်ယောက်”၊ပြန်မပြောရင်ပြောချင်တယ်”စသည်ဖြင့်ကျွန်တော်တို့လူငယ်ကြိုက်အချစ်ဇာတ်လမ်းရေးသားရာမှာပြောင်မြောက်ခဲ့သူပါ။အဲဒီကာလမှာသူရေးခဲ့တဲ့“ကတ္တီပါဖိနပ်စီး၊ရွှေထီးဆောင်း”ကိုတော့ဖတ်သာဖတ်ရ၊သိတ်နားမရှင်းလှဘူးခင်ဗျ။(နောင်သူကိုယ်တိုင်တစ်နေရာမှာရေးသားရှင်းပြတော့မှဪ၊ဒီလိုကိုးလို့နားလည်လိုက်ရတာပါ။)နောင်တော့ဆရာကြီးဟာဇာတ်လမ်းအားပြုဝတ္ထုရေးဟန်ကနေဇာတ်ကောင်အားပြုရေးဟန်ကိုလုံးဝပြောင်းသွားပါတယ်။အခုရေးမဲ့ခေါင်းစဉ်နဲ့မပတ်သက်လို့ကြုံကြိုက်ရင်သပ်သပ်ရေးပါဦးမယ်။အခု“ကတ္တီပါဖိနပ်စီး၊ရွှေထီးဆောင်း”ရုပ်ရှင်ပြန်ဆက်ပါရစေ။
ဒီလိုနဲ့ဆရာကြီးရဲ့ဝတ္ထုကိုရုပ်ရှင်ရိုက်တော့မယ်ဆိုတာသိလိုက်တော့ကျွန်တော်အံ့ဩမိပါတယ်။ဘယ်သူရိုက်မှာလည်းဆိုတာစပ်စုလိုက်ပြန်တော့ကျွန်တော်တို့လုံးဝမကြားဘူးတဲ့ဒါရိုက်တာပေါက်စလေးတစ်ယောက်ဆိုတာသိလိုက်ရပြန်တယ်။“မောင်ဝဏ္ဏ”တဲ့ခင်ဗျ။ကြားတောင်မကြားဘူးပါဘူး။ဆရာမောင်သာရရဲ့ဝတ္ထုကလည်းရုပ်ရှင်ရိုက်ပြလောက်အောင်ဇာတ်လမ်းဇာတ်ကွက်မရှိ၊ရေးဟန်ကလည်းအူတူတူကြောင်တောင်တောင်ရေးဟန်တွေမို့ဒီဒါရိုက်တာဘယ်လိုများရိုက်မလည်းဆိုတဲ့အထင်သေးအမြင်သေးစိတ်နဲ့အဲဒီရုပ်ရှင်ရုံတင်တော့သွားမကြည့်ခဲ့ပါဘူး။
မှတ်မှတ်ရရပဲ၊မောင်ဝဏ္ဏဟာသူ့ရဲ့ပဌမဆုံးဇာတ်ကားနဲ့ရုပ်ရှင်ထူးချွန်ဆုဆွတ်ခူးသွားပါတယ်။အကယ်ဒမီဆုပေးပွဲအခမ်းအနားကိုဗဟိုရုပ်ရှင်ကပြသလို့မောင်ဝဏ္ဏကိုစတင်မြင်ဘူးတယ်။ပိန်ပိန်ပါးပါး၊စုတ်ချွန်’ချွန်းနဲ့ဆိုက်ဂိုက်ကသိတ်မနိပ်လှပါဘူး။(ကျွန်တော်တို့ငယ်စဉ်ကတီဗီမရှိသေး။ပြန်ကြားရေးဌာနကရိုက်ကူးတဲ့ဗဟိုသတင်းစဉ်ဆိုတာရုပ်ရှင်ရုံတွေမှာဇာတ်ကားမပြမီTrailerအဖြစ်ပြပါတယ်။စာစောင်၊ဂျာနယ်လည်းယခုလိုမပေါများပါ။)
ဒီတော့ကျွန်တော်“ကတ္တီပါဖိနပ်စီးရွှေထီးဆောင်း”ကိုအလွန်ကြည့်ချင်လာတယ်။(တကယ်တမ်းမောင်ဝဏ္ဏရဲ့ရုပ်ရှင်ကိုဦးဆုံးကြည့်ဖူးခဲ့တာက“ဇာခန်းစည်းနောက်ကွယ်မှာ”ပါ။)နောင်အကြောင်းတိုက်ဆိုင်မှမြန်မာ့ရုပ်မြင်သံကြားကလွှင့်မှကြည့်ရပါတယ်။ဆရာမောင်ဝဏ္ဏကတော့ကျွန်တော့်ရဲ့ဖေးဘရိတ်ဒါရိုက်တာတစ်ယောက်ဖြစ်သွားပါတော့တယ်။(မောင်ဝဏ္ဏအကြောင်းလည်းသပ်သပ်ရေးဦးမယ်။ခေါင်းစဉ်တော့ပေးပြီးသွားပြီ။စာပဲမရေးရသေးတာ။“ကတ္တီပါဖိနပ်စီးပြီးလွမ်းအောင်ရယ်သွားခဲ့သူ”လို့ခေါင်းစဉ်ပေးထားပါတယ်။)
ကျွန်တော်“ကတ္တီပါဖိနပ်စီး..”ကိုပြန်ဆက်ပါမယ်။
ဟိုး၇ဝစုနှစ်များကာလမှာဆရာမောင်သာရရဲ့ကြော်ငြာပြီးထုတ်ဝေခွင့်မရခဲ့တဲ့စာအုပ်တစ်အုပ်ရှိခဲ့ပါတယ်။“တောလယ်၊မောတယ်၊အပြောကြွယ်”တဲ့ခင်ဗျ။ကြေးမုံသတင်းစာမှာဧရာမခြင်္သေ့ပုံကြီးနဲ့တစ်မျက်နှာပြည့်ကိုစာအုပ်ကြော်ငြာခဲ့တာပါ။ဒါပေမဲ့စာအုပ်ကထုတ်ဝေခွင့်မရခဲ့လို့ကျွန်တော်တို့ဖတ်ခွင့်မရခဲ့ပါ။ကျွန်တော်ဆေးရုံတက်ရတော့သူငယ်ချင်းတစ်ယောက်ကမြေနီကုန်းညဈေးစာအုပ်ဆိုင်မှာတိုးတိုးတိတ်တိတ်ငှါးဖတ်လို့ရတယ်ဆိုလို့ရှာခဲ့ဘူးပေမယ့်မတွေ့ခဲ့ပါဘူး။အင်တာနက်ကျေးဇူးနဲ့ကျွန်တော်“တောလယ်…”ကိုဖတ်ခွင့်ရတဲ့အခါအလွန်စိတ်ဝင်စားစရာကောင်းတဲ့(ကျွန်တော့်အတွက်ပါ)အကြောင်းလေးပါလာပါတယ်။တောလယ်၊မောတယ်…ဟာမြန်မာ့ရုပ်ရှင်လောကရဲ့(ထိုစဉ်က)အောက်တန်းနောက်တန်းကျတဲ့ကိုယ်ကျင့်တရားမရှိပုံတွေကိုဖွင့်ချထားတာပါ။ဇာတ်လမ်းထဲကနာမည်တွေကိုလည်းအပြင်မှာပရိတ်သတ်တွေသိတဲ့နာမည်အတိုင်းဖွင့်ချထားပါတယ်။ကျွန်တော်အထူးစိတ်ဝင်စားသွားတာကအဲဒိလူတွေအကြောင်းမဟုတ်ဘူးခင်ဗျ။ဇာတ်လမ်းထဲမှာပါတဲ့ဆရာမောင်ဝဏ္ဏကဆရာကြီးမောင်သာရဆီကိုရုပ်ရှင်ရိုက်ဖို့ဝတ္ထုလာဝယ်ပုံလေးပါခင်ဗျ။တိုင်းကျော်ပြည်ကျော်စာရေးဆရာကြီးတစ်ဦးထံကိုဝတ္ထုလာဝယ်တဲ့ဒါရိုက်တာ(မဖြစ်သေးသူ)တစ်ဦးရဲ့မျက်နှာလေးပြေးမြင်ကြည့်ပါခင်ဗျ။မောင်ဝဏ္ဏဟာသူကိုယ်တိုင်မရင်းနှီးတဲ့စာရေးဆရာကြီးဆီကဝတ္ထုဝယ်ယူဖို့မောင်သက်နောင်ကိုအကူအညီတောင်းပြီးနှစ်ယောက်တူတူသွားတွေ့ပါတယ်တဲ့။
ကျွန်တော်ရေးချင်တဲ့အဓိကအချက်ရောက်ပါတော့မယ်။အနုပညာသည်စစ်စစ်တွေရဲ့ခံယူပုံကိုစာဖတ်သူများသတိပြုစေချင်လို့ပါ။မောင်သာရရဲ့အဖြေကနိုးပါတဲ့ခင်ဗျား။မရောင်းနိုင်ပါဘူးတဲ့။မောင်ဝဏ္ဏကလည်းသူ့ရဲ့ပဌမဦးဆုံးရုပ်ရှင်ဟာဒီဇာတ်ကားပဲဖြစ်ရမယ်လို့အခိုင်အမာဆုံးဖြတ်ပြီးသားခင်ဗျ။ဘယ်လျှော့လိမ့်မလဲ။ဝတ္ထုထဲမှာအသေးစိတ်ရေးထားပါတယ်။မောင်သာရကဘာ့ကြောင့်မရောင်းနိုင်ကြောင်း၊မောင်ဝဏ္ဏကဘာကြောင့်ရိုက်ချင်ကြောင်းပေါ့။တိုတိုပြောရရင်မောင်သာရကလည်းသူ့ဝတ္ထုလေးပျက်စီးမှာအရမ်းစိုးရိမ်တယ်။မောင်ဝဏ္ဏကလည်းသူ့အိပ်မက်လေးအပျက်မခံနိုင်လို့ဘယ်လိုလိုက်လျောရလိုက်လျောရ၊မောင်သာရစိတ်ကြိုက်အကုန်လုပ်ပေးပါမယ်လို့ခခယယတောင်းပန်ရှာတယ်။အထူးခြားဆုံးကတော့ဇာတ်ကားကိုရောင်းမယ်၊မရောင်းဘူးဆိုတဲ့ကိစ္စမှာငွေအကြောင်းတစ်စွန်းတစ်စမှမပါဘူးခင်ဗျ။မောင်သာရကလည်းအထပ်ထပ်အသေးစိတ်စိစစ်မေးမြန်း၊မောင်ဝဏ္ဏကလည်းဆရာကြီးဝတ္ထုမပျက်စီးရအောင်၊ဇာတ်လမ်းအနှစ်သာရမပျက်စီးအောင်ရိုက်ပါမယ့်အကြောင်းရှင်းပြခဲ့ရပါသတဲ့။အခုရေးပြတာကစာတစ်ပိုဒ်ဆိုပေမယ့်သူတို့နှစ်ဦးရဲ့ညှိနှိုင်းမှုဟာလနဲ့ချီပြီးကြာခဲ့ပါတယ်။
ရုပ်ရှင်ထွက်လာတော့လည်းသူတို့ကြိုးစားမှုအရာထင်ခဲ့တာထူးချွန်ဆုကသက်သေပါပဲ။အခုဒါရိုက်တာ“ဝိုင်း”ကဒီဝတ္ထုကိုဗီဒီယိုအဖြစ်အသက်သွင်းပါတော့မယ်။ကျွန်တော်ဟာဒီဖက်ကာလတွေမှာအကြောင်းကြောင်းကြောင့်ရုပ်ရှင်ရုံတွေနဲ့အလှမ်းဝေးသွားပါပြီ။ဒါပေမဲ့ဒရိုက်တာဝိုင်းဆိုတဲ့လူငယ်တစ်ဦးကိုတော့ထူးချွန်သူတစ်ဦးဖြစ်ကြောင်းသိထားပါတယ်။ပြီးတော့မောင်သာရကလည်းရပ်ဝေးမြေခြားရောက်နေပါတယ်။ဒါကြောင့်သူ့ကိုအနီးကပ်ထောက်ပြဝေဖန်ဖို့အခက်အခဲရှိနိုင်ပါတယ်။
ကျွန်တော်အထက်ကဆိုခဲ့သလိုဆရာကြီးဟာသူ့ဇာတ်လမ်းကိုရုပ်ရှင်ရိုက်မယ်ဆိုတော့ကိုယ့်ကလေးရပ်ဝေးကိုသူများနဲ့ခရီးသွားမှာကိုပူတဲ့မိခင်တစ်ဦးရဲ့ပူပင်မှုတွေနဲ့ကြောင့်ကြခဲ့သူပါ။
ဝိုင်းဟာဒီဇာတ်လမ်းကိုဒါရိုက်တာလုပ်တာသူ့ရဲ့ဒါရိုက်တာစာမေးပွဲကိုဖြေဆိုသလိုဖြစ်မယ်ဆိုတာသိနိုင်တယ်လို့သုံးသပ်ပါတယ်။ဒါကြောင့်ဝိုင်းအောင်မြင်ပါစေလို့ဆန္ဒပြုလိုက်ပါတယ်။
ကိုးကား။ စက်တင်ဘာလထုတ်ရွှေအမြုတေမဂ္ဂဇင်း
