မင်းသားကြီးမြတ်လေးက
သူ့ရဲ့ “သီချင်းဆို၍ငိုရသည်” ဇာတ်သိမ်းကို တစ်ခြမ်းစီပိုင်းပြီး ပျော်ရွှင်စွာ ညားကြလေ
သတည်းနဲ့ အလွမ်းဇာတ်သိမ်းနှစ်မျိုးရိုက်ပြသွားတယ်။ ကြည့်တဲ့ပရိတ်သတ် ကြိုက်သလိုခံစားဖို့ပေါ့လေ။
နောက်တစ်ယောက်က မောင်သာရ။ ၁၉၇၄ နှစ်က သူ့ရဲ့လုံးချင်းတစ်အုပ် (၀တ်လိုက်တတ်တယ်၊ မောင်မောင်
သတိထား)ကို သုံးမျိုးပေါင်းဖတ်မှ ဇာတ်လမ်းဖြစ်အောင်ရေးထားလေရဲ့။ စုံစာမျက်နှာတွေချည်း
သတ်သတ်ဖတ်၊ နောက်တစ်ခါ စာအုပ်ဇောက်ထိုးလှည့်ပြီးမ စာမျက်နှာတွေချည်း သတ်သတ်ဖတ်ရတယ်။
တတိယပိုင်းကတော့ ဖတ်နေကျစာအုပ်ပုံစံအတိုင်း ဖတ်ရသဗျ။ စာဖတ်သူတော့ ဘယ်လောက်စားမလဲမသိပေမဲ့
စာဖောင်ကိုင်တဲ့သူတော့ တော်တော်စိတ်ညစ်ရှာပေမယ်။ ပြောလိုရင်းက အသစ်ပေးချင်တဲ့ ကြိုးစားမှုကိုပါ။
ဒီလိုပါပဲ၊ သီချင်းဆိုတာ တူရိယာတွေနဲ့ တီးခတ်သီဆိုမှ သီချင်းဖြစ်တာမဟုတ်ဘူးဆိုတာ ခင်ဝမ်းက
“ယိမ်း” နဲ့ စကားလုံးကို အားပြုသီဆိုခဲ့ဘူးတယ်။ ဘယ်တူရိယာမှမပါဘဲ အဆိုသက်သက်နဲ့ သီချင်းဆိုလို့
(ခုထိ) ကိုခင်ဝမ်း တစ်ပုဒ်ပဲ နားထောင်ဘူးတယ်။ (ဦးသုခရဲ့ ဓါတ်ရှင်ထဲမှာ ဒေါ်မေနွဲ့ အဆိုသက်သက်နဲ့
ကလေးချော့သီချင်း “မလေးလက်ခတ်သံ” လည်း ရင်ထဲငြိပါတယ်။ ဒါပေမယ့် ခြေဆင်းလေးကိုပဲ အတီးဖျောက်ထားတော့
Taste က သိပ်မပြည့်လိုက်ဘူး။) ပန်းချီဘက်မှာတော့ ဆရာဗဂျီအောင်စိုးပေါ့။ သူ့ရဲ့ ဂ္ဂဇင်းအဖွင့်ကဗျာဟန်တွေဟာ
ရှိရင်းစွဲသရုပ်ဖော်ပုံတွေက လုံးဝခွဲထွက်သွားတော့ လူတွေ နှာခေါင်းရှုံ့ကြ၊ သူကတော့ သူ့ဟန်အတိုင်း
ရဲရဲတင်ပြသွားလေရဲ့။ ခုတော့လည်း ယနေ့ခေတ် မဂ္ဂဇင်းများအထိ သရုပ်ဖော်ပန်းချီတွေဟာ ဗဂျီအောင်စိုးရေးဟန်က
လွှမ်းမိုးနေဆဲပဲ။ ဆရာကတော့ အဲဒီရေးဆွဲပုံကို “စာမဲ့ကဗျာ” အမည်ပေးတယ်။ စာအုပ်တောင်ထုတ်လက်သေး။
(ဆရာကြီး ဦးဘသန်းနဲ့ မြေချစ်သူတို့ အမှာဝင်ရေးထား။)
ပြောလိုရင်းက ပန်းချီပဲဖြစ်ဖြစ်၊ ရုပ်ရှင်၊ သီချင်း (ဂီတ)၊
စာပေစတဲ့ အနုပညာအသစ်သစ်သော ဖန်တီးမှုတွေ တင်ပြနိုင်ရမယ်။ ကျနော်တို့ အနုပညာဟာ ခေတ်ကာလတစ်ခုအောက်မှာ
ကောင်းစွာရှင်သန် ကြီးထွားခွင့်မရခဲ့ ကြလေတော့ တီထွင်ဖန်တီးမှုတွေ ပျောက်ကွယ်ဆိတ်သုဉ်းခဲ့ရတယ်။
အဲဒီအမှောင်ခေတ်မှာ စိစစ်ရေးလွတ်အောင် ရသမြောက်စွာ တင်ပြလာတဲ့ ၀တ္ထုတစ်ပုဒ်လောက်ပါလာရင်ပဲ
ကြည်နူးအားရဖြစ်ခဲ့ရတယ်။ ခုအဲဒီလိုရေးသားတင်ပြပုံမျိုး မလိုတော့ဘူး။ တည့်ပဲ၊ ဒါပေမဲ့
အနှစ် (၅၀)လောက် ချုပ်ခံထားရတဲ့ လက်တွေဆိုတော့ ဒီအပြောင်းလဲကို သိပင်သိသော်လည်း (လက်သားသေ
နေတော့) ဇာတ်အိမ်ဇာတ်လမ်းတွေက စောင်းပါးရိပ်ခြေ အဆင့်ကို ကျော်မသွား သေးဘူး။ နောက်တက်လာမယ့်
အနုပညာ မျိုးဆက်တွေကို ပွင်းလင်းလွတ်လပ်တဲ့ အနုပညာဖန်တီးမှုလုပ်နိုင်အောင် လက်တွဲခေါ်ကြရမယ်။
အနုပညာကျောင်း (တက္ကသိုလ်)တွေကနေ ခေတ်မီသင်ရိုးတွေနဲ့ သင်ကြားပေးရမယ်။ လိုရင်းက အသစ်တီထွင်ဖန်တီးနိုင်ရေးကို
လှုံ့ဆော် အားပေးကြရမယ်။ စကားစပ်လို့ပြောရရင် ယဉ်ကျေးမှုတက္ကသိုလ်ဆိုတဲ့ စကားလုံးအစား
အနုပညာတက္ကသိုလ်ဆိုတာ ပိုကောင်းလိမ့်မယ်။ ယဉ်ကျေးမှုဆိုတဲ့စကားလုံးက သိပ်ကျယ်ပြန့်ပါတယ်။
အနုပညာကိုပဲသင်ပေးပါ။ စောင်း၊ ဆိုင်း၊ ပတ္တလား သင်လည်းသင်ပါ။ ဒါလည်း အနုပညာပါ။ ကြိုး၊
ဘွဲ့၊ ပတ်ပျိုး၊ ယိုးဒယား သင်ချင်သင်ပါ။ အနုပညာပဲ။ ယဉ်ကျေးမှုဆိုတာကြီးနဲ့ ဒီတက္ကသိုလ်နာမည်က
မလိုက်ဖက်ပါဘူး။ တက္ကသိုလ်ဟာ အသစ်အသစ်သော တီထွင်မှုတွေ၊ ဖန်တီးမှုတွေ ထုတ်ဖော်နိုင်စွမ်းရမယ်။
အသစ်တွေဖန်တီးကြပါစို့။
(အညိုမှသည် ကြက်သွေးနီသို့
ဖတ်ပြီးခံစားသည်။)
