မြူနှင်းတို့အုံ့ဆိုင်းနေသဖြင့်မိမိထံလှမ်းလာနေသူကိုသဲသဲကွဲကွဲမမြင်ရ။
သူသည်တစ်လှမ်းခြင်းတစ်လှမ်းခြင်းလျှောက်လာရင်းမိမိနာမည်ကိုအော်ဟစ်ခေါ်နေသည်။မိမိကိုမမြင်ဘူးလား။
“ငါဒီမှာလေ၊မတွေ့ဘူးလား”
စစ်ဝတ်စုံအနွမ်းဝတ်ဆင်ထားပြီးကျောပိုးအိတ်ကိုညာပုခုံးပေါ်လွယ်တင်လျှက်မိမိရှေ့မှာခြေစုံရပ်လိုက်သည်။ပြီးတော့သူ၏တောဆောင်းဦးထုပ်ကိုချွတ်လိုက်သည်။
ဟင်...သိန်းဌေးပါလား။
“ငါမင်းနဲ့အတူနေမလို့”
သူ့မျက်နှာကအေးတိအေးစက်။စကားကိုတမင်တိုတိုပြတ်ပြတ်ပြောနေသည်ထင်သည်။မိမိဘာပြန်ပြောရမှန်းမသိခင်မှာပင်လန့်နိုးသွားသည်။အိပ်မက်မဟုတ်ပဲတကယ်သာဖြစ်လိုက်ပါတော့လားသူငယ်ချင်းရာ။
မှန်သည်။အပြင်ကမ္ဘာမှာသိန်းဌေးမှမရှိတော့ပဲ။ကျဆုံးသွားပြီးဖြစ်သောသူငယ်ချင်းကိုသတိတရရှိနေသည်မှန်သော်လည်းစိတ်ထဲစွဲစွဲလမ်းလမ်းဖြစ်နေသည်လားမသေချာ။ဒါဆိုဗမာတွေယူဆသလိုမိမိနှင့်အတူနေဖို့သူလာမည်ဆိုခြင်းသည်မိမိမိသားစုဝင်အဖြစ်ဝင်စားဖို့နိမိတ်ပြခြင်းပေလားမိမိမတွေးတတ်တော့။မိမိတို့မှာထိုစဉ်ကသားကြီးပင်နှစ်ခါလည်မပြည့်သေး။
သိန်းဌေးကျဆုံးသည့်(၃-၂-၈ဝ)ရက်နေ့မှတစ်နှစ်ကျော်ကျော်(၂၃-၂-၈၁)ရက်နေ့မှာသားလတ်ကိုမွေးပါ၏။အယူမသည်း၊အစွဲမရှိသောမိမိကတော့အမှတ်ပင်မထားမိတော့ပါ။သိန်းဌေးကဂီတကိုကျွမ်းကျင်သူမဟုတ်။သားလတ်ကဂီတသမားဖြစ်လာ၏။သိန်းဌေးကအားကစားထူးချွန်၊သားဖြစ်သူကလက်ခါးခြေလေ့ကျင့်ခန်းလောက်တောင်မလုပ်နိုင်သူဖြစ်ပါ၏။
ဒါပေမဲ့သိန်းဌေး၏အနုပညာအစွမ်းကြောင့်မိမိတို့အသည်းကြေကွဲဘူးသည်ကိုတော့သတိတရ။
၁၉၇၃၊ဖေဖေါ်ဝါရီလနှောင်းပိုင်းမှာပြင်ဦးလွင်ခေါ်မေမြို့သို့အနယ်နယ်အရပ်ရပ်မှဗိုလ်လောင်း၊လောင်းလျာလေးတွေရောက်လို့လာသည်။စစ်တ္ကသိုလ်သုံးထပ်အိပ်ဆောင်ကြီးနှစ်ခုအနက်တစ်ခုသောအိပ်ဆောင်၏မြေညီထပ်ခန်းမကျယ်ကြီးထဲမှာစုပေါင်းနေရာချပေးထားသည်။စုစုပေါင်းတစ်ရာစွန်းစွန်းလောက်ရှိပါ၏။
အိမ်ကိုခွဲလာရသည်မှာရက်ပိုင်းမျှသာရှိသည်မို့အားလုံးရင်ထဲမှာလွမ်းလွမ်းဆွေးဆွေး။ထိုစဉ်ဘယ်သူမှန်းမသိ၊ကျယ်လောင်သောအသံဖြင့်သီချင်းတစ်ပိုဒ်ကိုစိတ်ပါလက်ပါကြီးဆိုချလိုက်သည်။
“ ........ မေမေရေမငိုနဲ့နော်လေ၊ရှစ်ခိုးဦးချကန်တော့လျှက်ပါအမေ ”
တော်တော်ဆိုးတဲ့လူ။အိမ်လွမ်းနာကျနေသူအချင်းချင်း၊ဒင်းကရင်ဖွင့်ဟစ်ကြွေးလိုက်လေရာမိမိတို့အားလုံးရင်မှာထိထိရှရှ။အချို့မျက်ရည်များပင်လည်လျှက်။
သူလည်းသူ့အမေကိုလွမ်းလို့ရင်ဖွင့်ဟစ်ကြွေးသီဆိုခြင်းဖြစ်မည်ပေါ့လေဟုနှလုံးသွင်းလျှက်အသံရှင်ကိုစူးစမ်းလိုက်သည်။မိမိခုတင်နှင့်ဓါးလွယ်ခုတ်၊ဟိုးအတွင်းဖက်ကျကျဆီမှဖြစ်သည်။သေချာပြီ။ဒါဆိုမနåလေးအုပ်စုကဖြစ်လိမ့်မည်။သူသည်အချိန်အားရသည်နှင့်သူ၏“အမေတစ်ခု၊သားတစ်ခု”သီချင်းကိုဟစ်ကြွေးလေ့ရှိရာသင်တန်းမှမဖွင့်မီသူ့ကိုကျန်သူများကမှတ်မှတ်ရရသတိပြုမိလေသည်။သင်တန်းစတော့သိန်းဌေးကတပ်စု(၂)သို့ရောက်သွားပြီးမိမိကတပ်စု(၄)သို့ရောက်သဖြင့်မိမိတို့အနေမနီးခဲ့။မေမြို့တွင်တပ်စု(၁)နှင့်(၂)သည်မိမိတို့ရှိရာတပ်စု(၃)(၄)နှင့်အတန်အလှမ်းဝေးလေသည်။
သို့သော်မိမိတို့တပ်ခွဲဘောလုံးသင်းတွင်အတူကစားဖြစ်သဖြင့်သိန်းဌေးနှင့်အပေါင်းအသင်းမပျက်ခဲ့။မိမိတို့တပ်ခွဲတွင်ဘောလုံးကိုအဆင့်မြင့်မြင့်ကစားနိုင်သူနှစ်ဦးရှိသည်ဆိုပါကတစ်ဦးသည်သိန်းဌေးဖြစ်ပါသည်။ကျန်တစ်ဦးကသိန်းထွန်းသက်။သူတို့နှစ်ဦးစလုံးဘောလုံးပညာအခြေခံကျွမ်းကျင်သူများဖြစ်ပြီးသိန်းထွန်းသက်ကနောက်ခံအတွင်းလူနေရာကိုပုံသေကစားပါသည်။သိန်းဌေးမှာနောက်ခံလူနေရာတွင်သာမကရှေ့တန်းတိုက်စစ်မှူးအဖြစ်ပါနေရာစုံကစားတတ်ပါသည်။မိမိကသူ၏တိုက်စစ်ကစားပုံကိုပိုမိုနှစ်သက်ပါသည်။သိန်းဌေးဘောလုံးဆွဲပြေးပုံသည်လွန်စွာညက်ညောပြီးပြေးအားရော၊တိုးအားပါကောင်းသဖြင့်မိမိတို့တပ်ခွဲအောင်ပွဲဆင်နိုင်ခဲ့သောပွဲအများအပြားရှိခဲ့ဘူးလေ၏။
မိမိကိုသိန်းဌေးအားမြှောက်ပြောသည်ထင်မည်စိုး၍မပြောခဲ့သောစကားလည်းပြောလိုက်ပါဦးမည်။၁၉၇၄ခုနှစ်ကမ္ဘာ့ဖလားဘောလုံးပွဲစဉ်များတွင်နာမည်ကျော်ခဲ့သောဟော်လန်အသင်းနှင့်ဟော်လန်ဘောလုံးသမားယိုဟန်ခရိုက်(JohanCryuff)ကစားပုံသည်သိန်းဌေးကစားပုံနှင့်အတန်တူလေ၏။ခရိုက်ဘောလုံးဆွဲပြေးပုံသည်သိန်းဌေးနှင့်တစ်ပုံစံတည်းပင်။သူတို့နှစ်ဦးစလုံးဘောလုံးသယ်ပြေးလျှင်ရင်ကိုဖွင့်လျှက်ဆွဲပြေး၏။ပိုသည်မထင်ပါနှင့်။ကစားပုံသာတူတာမဟုတ်။သူတို့နှစ်ဦးမျက်နှာပေါက်လည်းအတန်ဆင်ပါသည်။သိန်းဌေးသည်ဆံပင်ပျော့ပျော့(ဗိုလ်လောင်းဖြစ်တော့ပုံစံဆံပင်ဖြစ်နေပေပြီ)မေးရိုးကျကျ၊အသားဖြူဖြူ၊မျက်လုံးကအတန်ငယ်အပြာရောင်ဖက်ရောက်ရောက်မို့မိမိကမနှိုင်းကောင်းမနှိုင်းရာကမ္ဘာကျော်ဘာစီလိုနာအသင်းမှယိုဟန်ကရိုက်နှင့်တက်ပြီးနှိုင်းရခြင်းပါ။
သူနှင့်မိမိတပ်စုမတူ၊စာသင်ခန်းလည်းမတူသော်ငြားဘောလုံးကွင်းမှာစုံရုံလောက်မျှနှင့်သူငယ်ချင်းအရင်းအချာဖြစ်ခဲ့သည်မဟုတ်။အလွန်ထူးခြားသောအကျိုးပေးတူခဲ့ကြခြင်းလည်းပါဝင်လိမ့်မည်။အဖြစ်ကရယ်စရာလိုလိုပင်။စစ်တက္ကသိုလ်မှာခြောက်လစာပေသင်ကြားစဉ်ကာလအတွင်းမိမိတို့တပ်ခွဲ၏ကြီးကြပ်သူဆရာကြီးမင်းအောင်သည်သိန်းဌေးမျက်နှာကိုစေ့စေ့ကြည့်ပြီးမိမိနာမည်တပ်ခေါ်ပြီးမိမိကိုတွေ့လျှင်သိန်းဌေးဟုအမြဲမှားယွင်းခေါ်လေသည်။တစ်ကြိမ်မဟုတ်။နှစ်ကြိမ်မဟုတ်။မိမိတို့မှော်ဘီဗိုလ်သင်တန်းကျောင်းပြောင်းသွားသည်အထိဒီအတိုင်းမှားယွင်းခေါ်လေတော့၏။မှားယွင်းမှုအတွက်စိုးရိမ်ဖွယ်မရှိသည်မှာသူရော၊မိမိပါလစ်လျှင်လစ်သလိုစည်းကမ်းဖေါက်လေ့ရှိ၍သူဖေါက်သောစည်းကမ်းအတွက်မိမိကအပြစ်ပေးခံရသလိုမိမိကျူးလွန်သောပြစ်မှုအတွက်လည်းသိန်းဌေးကနားလည်မှုရှိစွာအရေးယူခံခဲ့ကြသည်မှာသင်တန်းပြီးဆုံးသည့်တိုင်အောင်ပင်။
မေမြို့တွင်သာမက၊မှော်ဘီရောက်တော့လည်းမိမိနှင့်သိန်းဌေးနီးနီးစပ်စပ်မနေခဲ့ကြရပါ။သို့တိုင်သိန်းဌေးနှင့်မိမိလွန်စွာရင်းနှီးခင်မင်ခဲ့သောကာလသည်မိမိဒဏ်ရာရပြီးချိန်မှစတင်သည်ဟုမိမိထင်မြင်မိ၏။မိမိဆေးရုံသို့ရောက်ရှိစဉ်အစောဆုံးလာရောက်တွေ့ဆုံသူများထဲမှာသိန်းဌေးမပါ။သူသည်ရှမ်းပြည်နယ်၏ဝေးကွာသောတပ်ရင်းတစ်ရင်းတွင်တာဝန်ကျနေ၏။လူကိုယ်တိုင်မလာရောက်နိုင်သော်ငြားစာတိုက်မှတစ်ဆင့်စာမှန်မှန်ရေးပို့ယုံသာမကတပ်ရင်းလူကြုံရှိတိုင်းပစ္စည်းလေးအစ၊စားစရာအဆုံးပို့ပေးလေ၏။ပဌမစာတစ်စောင်၊နှစ်စောင်လောက်ရောက်လာစဉ်ကမိမိသာမန်သတိရယုံမျှသာစာရေးနေသည်ဟုထင်မိသေးသည်။
နောင်သူသင်တန်းတက်ရ၍ပြည်မ(သူ့အခေါ်အတိုင်း)သို့ရောက်လျှင်လည်းမိမိထံတကူးတကလာရောက်အားပေးဖေါ်ရလေ၏။အမှတ်တရပစ္စည်းတစ်ခုမဟုတ်၊တစ်ခုယူလာတတ်၏။မိမိအိမ်ထောင်ကျတော့ရပ်ဝေးကနေအိမ်ထောင်ဦးပစ္စည်းတွေလက်ဖွဲ့ပါ၏။
မှတ်မှတ်ရရသားဦးမွေးပြီးမိမိဇနီးဘွဲ့နှင်းသဘင်အခမ်းအနားတက်ရန်တပ်ရင်းမှရန်ကုန်သို့ဆင်းခဲ့စဉ်ကဖြစ်ပါသည်။၁၉၇၉ခုနှစ်ဖေဖေါ်ဝါရီလတွင်သိန်းဌေးလည်းရန်ကုန်သို့ရောက်နေချိန်ဖြစ်ပါသည်။မိမိတို့မိသားစုခပေါင်းရိပ်သာမှာတည်းသည်။သိန်းဌေးကိုဘယ်သူပြောလိုက်လို့လဲဆိုတာမိမိမမှတ်မိတော့။မိမိတို့လိပ်စာကိုစုံစမ်းပြီးသူရောက်လာသည်။
ကံကြမ္မာဆိုတာကိုအဲဒိတုံးကမိမိမယုံတတ်သေး။
မိမိတို့အခြားတစ်နေရာရောက်နေသည်။သူအချိန်တော်တော်ကြာအောင်စောင့်နေသည်ဟုအိမ်ရှင်နောင်တော်ကြီးကပြောပါသည်။ယခုခေတ်လိုဆက်သွယ်ရေးမကောင်းသည့်အချိန်မို့မိမိတို့သူရောက်နေတာကိုမသိလိုက်။သားကြီးအတွက်ကစားစရာအရုပ်တွေဝယ်ပြီးပေးထားခဲ့သည်။အော်...အရင်ကဆိုအိမ်ထောင်ပစ္စည်းတွေဖြည့်ဆည်းပေးရာကသားမွေးလာတော့သားအတွက်ပါဖြည့်ဆည်းဝယ်ပေးနေရရှာပြီဟုပြောဖြစ်သည်။
ကံကြမ္မာကမိမိနှင့်သိန်းဌေးကိုလွဲဖြစ်အောင်လွဲပေးပါသည်။
၁၉၇၉ခုနှစ်တွင်မိမိနယ်ဘက်တာဝန်ထမ်းဆောင်ရန်စက်ရုံသို့
on job
trainingဆင်းရသည်။စက်ရုံကမိမိဇနီး၏ရွာနှင့်၂မိုင်ခန့်သာဝေးသည်။မိမိယောက္ခမအိမ်မှာနေပြီးအလုပ်တက်ဆင်းသည်။ထိုကာလအတွင်းမှာသိန်းဌေးတပ်ပြောင်းရ၏။သူပြောင်းရသည့်တပ်ကမိမိတို့ရွာနှင့်မိုင်သုံးဆယ်လောက်သာဝေးတော့သည်။သိပုံကလည်းမိမိတို့ရွာမှာမရှိဘဲပြည်ကိုရောက်နေချိန်သူ့ဖါသာမေးမြန်းစုံစမ်းပြီးရောက်လာခြင်းကြောင့်ဖြစ်သည်။လူချင်းမတွေ့ရသော်လည်းယခင်ကလိုအဝေးကြီးမှာမဟုတ်တော့ဟူသောအသိကသူငယ်ချင်းနှစ်ဦးကိုအားတက်ရွှင်လန်းမှုပေးပါသည်။ပြည်ကပြန်ရောက်ရောက်ခြင်းသူ့စာတိုလေးကိုဖတ်ရင်းမိမိအပျော်တွေဖုံးမရဖိမရ။သူရှေ့တန်းကပြန်ရင်သူငယ်ချင်းတွေအေးအေးဆေးဆေးတွေ့လို့ရပြီပေါ့။
သတင်းစာသည်မိမိနယ်မြို့လေးတွင်တစ်ရက်နောက်ကျပြီးမှရောက်၏။မြို့နှင့်အတန်လှမ်းသောမိမိနေရာသို့သတင်းစာမှန်မှန်မလာ။နှစ်ရက်သုံးရက်နေမှစုပေါင်းဖတ်ရ၏။
တစ်နေ့။
သတင်းစာထုတ်ကိုဖြည်ပြီးရက်စွဲအလိုက်စီပြီးမိမိဖတ်နေသည်။
နာရေးစာမျက်နှာအရောက်တစ်နေရာတွင်ဗိုလ်သိန်းဌေးဆိုသောနာရေးသတင်းကိုမိမိတွေ့လိုက်သည်။သူငယ်ချင်းမဟုတ်ပါစေနှင့်ဆုတောင်းရင်းဆက်ဖတ်လိုက်သည်။မိမိဆုတောင်းမပြည့်ခဲ့။
မိမိချစ်သူငယ်ချင်းသိန်းဌေး၏နာရေးသတင်း။မိမိဘာဆက်လုပ်ရမှန်းမသိ။ရက်စက်လိုက်တဲ့ကြမ္မာရယ်။
ကံတူအကျိုးပေးသူငယ်ချင်း။
မိမိလိုပင်ရန်သူ့မိုင်းထိ၏။မိမိလိုပင်ခြေတစ်ဖက်စွန့်ရ၏။မွန်ပြည်နယ်နှင့်ကရင်ပြည်နယ်အစပ်တွင်ရန်သူ့မိုင်းထိမှန်သည်။ကားလမ်းပေါ်အရောက်ခေါ်လာပြီးထွန်စက်နောက်တွဲယာဉ်ဖြင့်သထုံပြည်သူ့ဆေးရုံသို့သယ်လာစဉ်လမ်းခွတ်လပ်မှာတိုင်းပြည်အတွက်အသက်စွန့်သွားသည်ဟုသတင်းရလိုက်သည်။မိမိလိုဘဝပင်လယ်ပြင်ကိုဆက်လက်ကူးခတ်ဖို့အခွင့်မရတော့။အေးဆေးငြိမ်သက်စွာအနားယူပါသူငယ်ချင်း။သူငယ်ချင်းအပေါ်မှာရော၊တိုင်းပြည်အတွက်ရောမင်းတာဝန်ကျေခဲ့ပြီးပြီပဲ။
သူနှင့်ပတ်သက်သမျှအမှတ်တရတွေမိမိတတ်စွမ်းသလောက်ထိန်းသိမ်းထားပါ၏။တချို့ပျောက်ဆုံး၊တချို့ပျက်စီး၊ဤစာစုကိုရေးနေချိန်အတွင်းသူ၏နာရေးကြော်ငြာဖြတ်ပိုင်းကိုမှတ်စုဟောင်းအတွင်းရှာမိ၏။မတွေ့တော့။
ထာဝရရယ်လို့ဘာမျှမရှိသောလောကပါတကား။
လွန်ခဲ့သောရက်ပိုင်းကစားသောက်ဆိုင်သို့မိမိတို့ဇနီးမောင်နှံသွားစဉ်သိန်းဌေး၏အစ်မအကြီးဆုံးနှင့်သူ့မိသားစုကိုမမျှော်လင့်ပဲတွေ့၏။သူ့မိသားစုအကြောင်းတွေမေးရ၏။ထွေရာလေးပါးဆက်ပြောရင်းအစ်မကြီး၏စကားတစ်ခွန်းကမိမိအိပ်မက်ကိုပြန်သတိရလိုက်မိ၏။
အစ်မကြီးပြောတာကသူ့သားအကြီးဆုံးက
သိန်းဌေးဝင်စားတာတဲ့။
ဘာပဲဖြစ်ဖြစ်သူတို့စိတ်သက်သာရာရသွားသည်ဆိုလျှင်မိမိဝမ်းသာပါသည်။
