မမြင်ရတဲ့မြင်ကွင်းများဖတ်ပြီးသူတစ်ဦးရဲ့ဆန္ဒ

                                             

                                         

“The story of Annapurna” မြန်မာဘာသာပြန်စာအုပ်ဖတ်တော့ကျွန်တော်၉နှစ်၁ဝနှစ်လောက်ရှိဦးမယ်။အိမ်နားကအစ်ကိုကြီးတစ်ယောက်ကဆယ်တန်းကျောင်းသား၊အဲဒိတုံးကဆယ်တန်းအင်္ဂလိပ်စာပြဌာန်းစာအုပ်မို့သူ့အိမ်မှာဖတ်ခဲ့ရတာ။အာနာပူနာဆိုတဲ့တောင်ကိုတက်ခဲ့တဲ့တောင်တက်အဖွဲ့ရဲ့စွန့်စားခန်းတွေပေါ့။ဇာတ်လိုက်နာမည်“ဟာဇော့”ဆိုတာခုထိမှတ်မိနေတယ်။အဲဒီစာအုပ်ဖတ်ပြီးကတည်းကကျွန်တော်တောင်တက်ခြင်စိတ်တွေတဖွားဖွားပေါ်ပေါက်လာခဲ့တာအခုအသက်အရွယ်အထိပါပဲ။တောင်မြင့်မြင့်၊သစ်ပင်မြင့်မြင့်နဲ့အတားအဆီးတွေမြင်ရင်ကိုယ့်ကိုစိန်ခေါ်နေသလားထင်မိတယ်။

ရှစ်တန်းကိုးတန်းလောက်ရောက်တော့အိမ်ဘေးကသူငယ်ချင်း(ခုတော့အငြိမ်းစားအင်ဂျင်နီယာ)နဲ့နှစ်ယောက်ပေါင်းပြီးမင်းကြီးတောင်ပေါ်ကအမြင့်(၃၁၄)ပေရှိတဲ့မြစ်ကူးလျှပ်စစ်တာဝါတိုင်ထိပ်ကပြည်ရန်ကုန်ကားလမ်းပေါ်ကိုလေထီးတီထွင်ပြီးခုန်ချဖို့ကြံစည်ခဲ့ဘူးတယ်။အဲဒီတာဝါတိုင်ပေါ်တက်တိုင်းကျွန်တော်တို့သူငယ်ချင်းနှစ်ယောက်စိတ်တွေမရိုးမရွဖြစ်လာစမြဲပဲ။

နောက်တော့အိမ်မှာအဘိုးဝယ်ပေးတဲ့ဗိုလ်တာရာ(ရဲဘော်သုံးကျိပ်)ရဲ့မုဆိုးဝတ္ထုတွေဖတ်ရပြန်တော့တောလိုက်မုဆိုးဖြစ်ချင်၊တောလည်သွားချင်လာပြန်ရော။ဗိုလ်တာရာရဲ့ရဲဘော်ရဲဘက်တွေဖြစ်တဲ့ဦးဘိုးဟန်၊တပ်ကြပ်ကြီးသန်းထွန်း၊တပ်ကြပ်ကျော်စိန်တို့ကိုပါအလွတ်ရနေပြီးသူတို့ပစ်ခတ်တဲ့သေနတ်ကျည်အမျိုးအစား၊ပေါက်ကွဲအားတွေ(ဘာမှန်းမသိပေမဲ့)ကိုပါတွဲပြီးမှတ်မိနေပါတယ်။မုဆိုးဝတ္ထု၊စွန့်စားခန်းဝတ္ထုတွေဖတ်ခဲ့ရတဲ့ကလေးတစ်ယောက်ရဲ့အိပ်မက်ဟာတောထဲတောင်ထဲမှာလှည့်လည်ပြီးသားကောင်တွေကိုပစ်ခတ်ဖမ်းဆီးဖို့ပဲဖြစ်တယ်။

ပြောလိုရင်းကလူတစ်ယောက်(အထူးသဖြင့်လူငယ်တစ်ယောက်)ရဲ့ဘဝကိုသူဖတ်ခဲ့တဲ့စာအုပ်တွေကပေးတဲ့အသိတွေကလွှမ်းမိုးတတ်တာပါ။(ရာခိုင်နှုန်းပြည့်မှန်တယ်မဆိုလိုပါ။)

လောကဓံရဲ့ရိုက်ပုတ်ကျီစယ်မှုမှာကျွန်တော်ဟာဘယ်လိုမှမမျှော်လင့်တဲ့ကြမ္မာဆိုးနဲ့တည့်တည့်တိုးခဲ့ပါတယ်။ကိုယ့်ပကတိအရှိအခြေအနေကိုလက်သင့်ခံနိုင်အောင်အတော်အားတင်းနှလုံးသွင်းခဲ့ရတယ်။အဲဒိခံနိုင်ရည်တွေရရှိလာအောင်စာအုပ်များစွာကအထောက်အကူပေးခဲ့တာပေါ့။

ကျွန်တော့်ရဲ့ဆေးရုံနေ့စွဲများမှာဘဝကိုဆက်လက်ရင်ဆိုင်ဖို့ခွန်အားတွေဖြစ်စေခဲ့တာစာအုပ်များပါပဲ။သတိရသလောက်ပြန်ရွတ်ရရင်“မောင်စိန်ထွေး”ရဲ့စာအုပ်(အမည်မမှတ်မိ)၊ဆရာမစိန်စိန်ရဲ့“ခရီးဝင်္ကပါ”ဆရာထင်လင်းဘာသာပြန်တဲ့“ပေါ်လီယာနာ”(သူငယ်ချင်းတစ်ဦးလက်ဆောင်ပေး။)သခင်မြသန်းဘာသာပြန်တဲ့“သံမဏိသူရဲကောင်း”၊ဒေါက်တာအုန်းမောင်(မိုးကုတ်)ရဲ့“ကျွန်တော့်သားကြီး၊သေမင်းနှင့်စစ်ခင်းသူ”၊နောက်အင်္ဂလိပ်စာအုပ်“Reach for the sky ”မမှတ်မိတာတွေရှိဦးမယ်။မောင်စိန်ထွေး၊စိန်စိန်၊ဒေါက်တာအုန်းမောင်(မိုးကုတ်)တို့ရဲ့စာအုပ်တွေကသူတို့ကိုယ်တိုင်ဒုက္ခိတဘဝကိုဖြတ်သန်းရပုံတွေကိုရေးထားတာ။ဖတ်ရင်းနဲ့စာရေးသူရဲ့အနိုင်မခံအရှုံးမပေးစိတ်ဓါတ်ကကျွန်တော့်နှလုံးသားထဲကိုစီးဝင်ခိုအောင်းလာတယ်။ဆရာမစိန်စိန်ကသူ့ဝဠ်နာကံနာကိုကြံ့ကြံ့ခံပြီးခေတ်မီဆေးဝါးနဲ့ကုသရင်း(သူတို့ခေတ်က)ပါတ်ဝန်းကျင်ရဲ့ကဲ့ရဲ့မှုတွေကိုစိတ်ဓါတ်ခိုင်ခိုင်နဲ့ရင်ဆိုင်ခဲ့တာ။ဆရာမောင်စိန်ထွေးကတော့မွေးရာပါမသန်စွမ်းသူဆိုတော့ဘီးတပ်ကုလားထိုင်ပေါ်ကနေလောကကြီးကိုသူတတ်စွမ်းတဲ့စာပေပညာနဲ့ယခုတိုင်အကျိုးပြုနေဆဲ။ဆရာအုန်းမောင်ကပါရဂူဘွဲ့အတွက်အင်္ဂလန်နိုင်ငံမှာပညာသင်ရင်းကားမတော်တဆမှုဖြစ်ပြီးခြေနှစ်ဖက်စလုံးမသန်စွမ်းဖြစ်၊အဲဒီမသန်စွမ်းဖခင်ကဦးနှောက်ခွဲစိတ်ဖို့လိုအပ်လာတဲ့သူ့သားကိုအင်္ဂလန်အရောက်ခေါ်သွားပြီးခွဲစိတ်ကုသတဲ့အကြောင်းစာတစ်အုပ်ရေးထားတာပါ။

ထူးခြားတာကအဲဒီစာအုပ်သုံးအုပ်စလုံးနိုင်ငံတော်ကချီးမြှင့်တဲ့အမျိုးသားစာပေဆု၊စာပေဗိမာန်စာပေဆုတွေချီးမြှင့်ခံရတာပဲဖြစ်တယ်။မသန်စွမ်းသူတွေရဲ့စိတ်ဓါတ်ခွန်အားတွေကိုကျွန်တော်မလေးစားဘဲမနေနိုင်ခဲ့ဘူး။

ပေါ်လီယာနာနဲ့သံမဏိသူရဲကောင်းကတော့ဘာသာပြန်စာအုပ်ဆိုပေမဲ့ကျွန်တော့်နှလုံးသားကိုလွှမ်းမိုးချုပ်ကိုင်နိုင်စွမ်းရှိတဲ့စာကောင်းပေမွန်တွေဖြစ်ကြတယ်။Reach for the skyကတော့ဒုတိယကမ္ဘာစစ်ပွဲမှာခြေထောက်နှစ်ဖက်မရှိတော့တဲ့အင်္ဂလိပ်စစ်သည်တစ်ဦးအကြောင်းပါ။တိုက်ပွဲတစ်ခုမှာသူ့ခြေနှစ်ဖက်စလုံးဆုံးရှုံးသွားခဲ့တယ်။စိတ်ဓါတ်ပြင်းထန်သူDouglas Badder ဟာဗုံးကြဲလေယာဉ်ကိုယ်တိုင်မောင်းပြီးရန်သူ့စခန်းကိုဗုံးကြဲတိုက်ခိုက်တယ်။ရန်သူကသူ့လေယာဉ်ကိုပစ်ချလိုက်နိုင်တယ်။လေယာဉ်မီးလောင်ပျက်စီးတော့လေထီးဖွင့်ခုန်ဆင်းရတာပေါ့။လေထီးဆင်းလာတဲ့ရန်သူလေယာဉ်မှူးကိုဝိုင်းဖမ်းဖို့မြေပြင်ကစောင့်နေသူတွေဟာခြေနှစ်ဖက်မပါဘဲလေထီးနဲ့ဆင်းလာသူလေယာဉ်မှူးကိုဝိုင်းကြည့်ပြီးမှင်သက်ကုန်ကြတယ်။သူ့ကိုသုံ့ပန်းအဖြစ်မဖမ်းဆီးတော့ဘဲအင်္ဂလန်ကိုပြန်ပို့ပေးလိုက်တယ်။(ကျွန်တော်သဘောကျတဲ့အထဲမှာဒေါက်ဂလပ်စ်ဟာစန်းအလွန်ပွင့်တာလည်းပါသပေါ့။စကားချပ်)

မကြာသေးခင်ရက်ပိုင်းကဖေ့(စ်)ဘွတ်(ခ်)မိတ်ဆွေတစ်ဦးညွှန်းတဲ့စာအုပ်တစ်အုပ်ကိုစိတ်ဝင်စားသွားတယ်။စာအုပ်နာမည်ကလည်းစာရေးသူရဲ့လက်ရှိအခြေအနေကိုတစွန်းတစလှစ်ဟသလိုပါဘဲ။

“မမြင်ရတဲ့မြင်ကွင်းများ”တဲ့။

စာရေးသူဟာဆရာဝန်တစ်ဦး၊မဟာတန်းအတွက်ဆက်လက်ဆည်းပူးနေဆဲမှာသူမမျှော်လင့်ထားတဲ့ကြမ္မာဆိုးတစ်ခုကြောင့်အမြင်အာရုံဆုံးရှုံးခဲ့ရတယ်။အဲဒီအချိန်ကထုတ်ဝေတဲ့သတင်းစာမှာသတင်းအဖြစ်ဖေါ်ပြခဲ့လို့ကျွန်တော်တို့သိခွင့်ရခဲ့ဘူးတယ်။နောက်ဆက်တွဲဘာတွေဆက်ဖြစ်တယ်ဆိုတာတော့သတင်းအမှောင်ခေတ်မှာဆက်လက်သိခွင့်မရခဲ့ပေဘူး။ခုတော့ကာယကံရှင်ကိုယ်တိုင်စာတစ်စောင်ပေတစ်ဖွဲ့ရေးသားထုတ်ဝေလာတော့စိတ်ဝင်တစားဖတ်ဖို့ပြင်ဆင်ရတယ်။(တကယ်ဆိုဆရာမရေးတဲ့စာအုပ်ဆိုတာကျွန်တော်သာမန်အားဖြင့်မသိနိုင်ပါ။ဒေါက်တာလှိုင်းဇော်ညွန့်ရဲ့စာအုပ်ညွှန်းကိုဖတ်ရလို့သတိပြန်ရပြီးဖတ်ချင်စိတ်ဖြစ်ခဲ့တာပါ။)

ဆရာမရဲ့စာအုပ်ဟာသူနေ့စဉ်ဖြတ်သန်းရတဲ့ဘဝကိုရိုးရိုးလေးရေးဖွဲ့တာပါ။စုစုပေါင်းစာစု(၂၆)ပုဒ်ထဲမှာငယ်စဉ်ကလေးဘဝ၊ဆေးကျောင်းသူဘဝ၊အလုပ်ဝင်ဆရာဝန်ဘဝ(အလုပ်သင်မဟုတ်ပါ)တို့ကိုလည်းမှတ်ဥာဏ်သုံးပြီးမမေ့မလျော့ပါဝင်အောင်ရေးခဲ့တယ်။ပစ္စုပ္ပန်ကိုသာမကအတိတ်မြင်ကွင်းကိုလည်းစာဖတ်သူစိတ်ဝင်စားအောင်ရေးပြနိုင်ပါတယ်။ကာလကိုသာမကဒေသကိုလည်းဖြန့်ကျက်ရေးသားထားတာသတိပြုမိတယ်။မနåလေးနောက်ခံဇာတ်အိမ်လို့ပြောခဲ့ရင်တောင်မှမြင်းခြံ၊တောင်သာ၊မုံရွာ၊ဟုမ္မလင်းဆိုတဲ့မြို့တွေရဲ့ပုံရိပ်တွေကိုလည်းသူမြင်သလိုစာဖတ်သူမြင်အောင်ကြိုးပမ်းထားတာသတိပြုမိတယ်။

ကျွန်တော်အကြိုက်အတွေ့ဆုံးတွေကပုဒ်ရေအမှတ်(၁၈)“လက်များကိုခံစားခြင်း”ကနေစပါတယ်။စာတွေကတိုပေမဲ့ခံစားမှုရသအပြည့်ပါတယ်လို့ခံစားမိတယ်။အဲဒီအပုဒ်ကစပြီးနောက်ပိုင်းစာတွေကဆရာမရဲ့ဘဝရင်ဆိုင်မှုအတွေ့အကြုံတွေမို့ထူးထူးခြားခြားဖွဲ့နွဲ့စရာမလိုပဲနဲ့စာဖတ်သူတွေရင်ထဲကိုရောက်နိုင်လို့ပဲဖြစ်တယ်။(ခံစားမှုတိုက်ဆိုင်တာလည်းဖြစ်နိုင်ပါတယ်။)

“...တွဲငင်ခေါ်ယူဖို့လာရင်းကနေသူကခေါ်မလို၊ကိုယ်ကတွဲမလိုနဲ့ယောင်မှားပြီးနှစ်ယောက်စလုံးကထားခဲ့တဲ့အခါတွေလည်းရှိခဲ့သေးတယ်။အဲဒီအခါတွေမှာတော့ရှက်ရွံ့အားငယ်တတ်တဲ့စိတ်ကဝင်လာပြီးဒေါသဘက်ကိုကူးပြောင်းတတ်လာတယ်...”  (စာမျက်နှာ-၁၉၃)

ကိုယ်ဒဏ်ရာရစကအဖြစ်ကိုပြန်သတိရပြီးကိုယ်ချင်းစာစိတ်လေးဖြစ်မိတယ်။မိုင်းထိပြီးဒူးအထက်ကဖြတ်လိုက်ရတဲ့ညာခြေထောက်ရဲ့ဒူးခေါက်ကွေးကတအားယားလာတော့ယောင်မှားပြီးညာလက်နဲ့ဒူးခေါက်ကွေးကိုလှမ်းပြီးစမ်းလိုက်တယ်။ပြတ်နေတဲ့ခြေထောက်မို့ဘာမှစမ်းလို့မရတော့(ဘယ်သူမှမသိပေမဲ့)တစ်ယောက်တည်းရှက်လည်းရှက်၊ဒေါသလည်းထွက်ပြီးဆောက်တည်ရာမရတဲ့ကိုယ့်ဖြတ်သန်းမှုနဲ့နှိုင်းမိပြီးဆရာမကိုစာနာနားလည်ပေးလိုက်ပါတယ်။ဒီအဖြစ်မျိုးဆိုတာဘဝတူလူသားချင်းမှစာနာနားလည်နိုင်ကြမှာမဟုတ်လား။

ဘာပဲဖြစ်ဖြစ်ကျွန်တော်အထက်မှာဆိုခဲ့သလိုဆရာမရဲ့စာအုပ်ဟာဘဝကိုခက်ခက်ခဲခဲရင်ဆိုင်ဖြတ်သန်းရမဲ့ဘဝတူလူသားတွေအတွက်စိတ်ဓါတ်ခွန်အားကိုဖြစ်စေတယ်ဆိုရင်ဒါဟာအရှုံးထဲကကြီးစွာသောအမြတ်ပါပဲဆရာမရေ။

နောက်ဆုံးပြောလိုတာကတော့ကျွန်တော်တို့ဟာဘဝမှာမဖြစ်ချင်တာတွေ(မဖြစ်လိုပေမဲ့)ဖြစ်ခဲ့ကြရတယ်။နောင်သံသရာဆိုတာရှိခဲ့ရင်ဒီအဖြစ်ဆိုးမျိုးထပ်မံမကြုံရအောင်ကြိုးပမ်းရပေမယ်။ဆရာမကိုယ်တိုင်လည်းတရားကိုနက်နက်နဲနဲနာယူလိုက်စားနေတယ်ဆိုတာသိရတယ်။

“...ကျွန်မကတော့အတွေးတွေ၊အတွေးတွေ၊အလုပ်တွေ၊အလုပ်တွေကိုအရသာပဲခံနေပြီးဝိပဿနာမတင်နိုင်သေးတာသေချာပါတယ်။အကောင်းဆုံးနိဗ္ဗာန်ချမ်းသာဓမ္မအရသာဆိုတာဘယ်လိုပါလိမ့်နော်။”

(စာမျက်နှာ-၁၉၉)

တရားကိုလည်းအသင့်အတင့်နာယူမှတ်သားပြီးဝိပဿနာကိုလည်းလေ့လာနေတဲ့ဆရာမကိုတိုက်တွန်းလိုတာကတော့ဒီအသိတရားတွေကိုသုံးသပ်ဆင်ခြင်ပြီးဘာဝနာမယဥာဏ်ဆိုက်ဖို့ဆိုရင်ဝိပဿနာကိုကြိုးစားအားထုတ်စေချင်ပါတယ်။ဆရာမမှာစုဆောင်းပြီးဓမ္မအမွေတွေကိုအသုံးချနိုင်ဖို့လိုပါတယ်။သင့်လျှော်ရာကမ္မဌာန်းနည်းဖြင့်ကြိုးစားပမ်းစားလေ့ကျင့်လိုက်ရင်ဘယ်စည်းစိမ်ချမ်းသာနဲ့မှမလဲနိုင်တဲ့သုခချမ်းသာကိုယခုဘဝမှာပင်ရရှိခံစားနိုင်မည်ဖြစ်ကြောင်းဖြူစင်သောစေတနာနှင့်တိုက်တွန်းချင်ပါတယ်။