မင်းသွားနှင့်တော့..

သူ့ဓါတ်ပုံတွေကိုယ့်ဆီမှာရှာကြည့်တော့ဒီတစ်ပုံပဲရှိတယ်။မှတ်မှတ်ရရ(၁၃-၂-၁၃)ရက်နေ့ကပြည်ကိုပြန်တုံးသူ့အိမ်ရှေ့မှာTimerနဲ့ရိုက်ခဲ့တဲ့ဓါတ်ပုံလေး။
ကာတွန်းဆရာပီသချက်က... Shutter ပွင့်ခါနီးလေးမှ  ဝတ်ထားတဲ့စပို့ရှပ်ကိုဆတ်ခနဲချွတ်ပစ်လိုက်တော့ပုံမှာမြင်တဲ့အတိုင်းမကိုးမကားနဲ့။
ဒီဖက်ခေတ်လူငယ်တွေကသူ့လက်ရာကိုသိတ်တွေ့ရမယ်မထင်ဘူး။သူ့အပြောင်မြောက်ဆုံးလက်ရာတွေက၈၈နောက်ပိုင်းကာလတွေမှာ"တက်လမ်း""ဓန""မြန်မာ့ဓန"မှာဆွဲခဲ့တဲ့ကာတွန်းတွေပေါ့။စိစစ်ရေးရဲ့ပစ်မှတ်ကာတွန်းဆရာမို့သူ့လက်ရာအတော်များများဟာဆင်ဆာထဲပါသွားလေ့ရှိတော့သူ့ပရိတ်သတ်နဲ့အဆက်ပြတ်သလိုဖြစ်ခဲ့ရတယ်။
၂၀၁၃, ၈၈ငွေရတုအထိမ်းအမှတ်မဂ္ဂဇင်းထဲကကာတွန်းဆရာနည်းနည်းပါးပါးရဲ့လက်ရာထဲမှာသူပါခဲ့တယ်။
၂၀၁၃,နိုဝင်ဘာမှာထုတ်တဲ့အ.ထ.က(၃)ပြည်ရဲ့နှစ်ပတ်လည်မဂ္ဂဇင်းထဲက ကာတွန်းလက်ရာတွေဟာသူ့ရဲ့နောက်ဆုံးလက်ရာဖြစ်ကောင်းဖြစ်မယ်။
ဘာဖြစ်လို့လဲဆို၂၀၁၄နဲ့၂၀၁၅မှာသူ့ကာတွန်းတွေမတွေ့တော့လို့ပဲ။ပြီးခဲ့တဲ့စက်တင်ဘာလမှာသူ့အကိုကဖုန်းဆက်ပြီးဖိုးချွဲရဲ့ကျန်းမာရေးအတော်ချို့ယွင်းနေပြီပြောမှကိုယ်လည်းသူ့ကျန်းမာရေးမကောင်းကြောင်းသိတော့တယ်။ဖုန်းဆက်အားပေးပြီးရန်ကုန်ကိုဆေးကုလာခဲ့ဖို့ပြောလိုက်တယ်။သူ့အကိုနဲ့လည်းတိုင်ပင်ထားတယ်(သူ့ညီအငယ်ဆုံးနဲ့ကျွန်တော့်ညီဝမ်းကွဲဖိုးဝရဲ့ကုသရမယ့်အသည်းဝေဒနာကလည်းတူနေတယ်လေ။)
ကျွန်တော့်ညီကတော့ရန်ကုန်အထိရောက်လာပေမယ့်သူ့ရောဂါကဆေးမမီတော့ပါဘူး။အောက်တိုဘာလထဲမှာဆုံးပါးသွားတယ်။ဖိုးချွဲကအခြေအနေတည်ငြိမ်တယ်လို့သိရလို့တအားတက်ခဲ့ရတယ်။ဖုန်းဆက်ပြီးရန်ကုန်လာခဲ့ဖို့အားပေးရတယ်။
တန်ဆောင်တိုင်ပွဲအပြီးပြည်ကပြန်လာတဲ့သူတွေတဆင့်စကားအရသိတ်မလွယ်ဘူးလို့သိရပြန်တယ်။သူ့အကိုဆရာဝန်ကိုယ်တိုင်ထိန်းပေးထားလို့အသက်ဆက်နေပုံရတယ်။
မနေ့ကမနက်စောစောရန်ကုန်ကသူ့အကိုဖုန်းဆက်ပြီးဒီမနက်၅နာရီခွဲလောက်ကဆုံးပါးသွားပြီလို့ပြောတယ်။
ဒီနေ့ညနေသုံးနာရီလူပျိုကြီးကာတွန်းဆရာဖိုးချွဲကိုပြည်မှာသင်္ဂြီုဟ်ပါတော့မယ်။
ကာတွန်းဆရာပီပီသူ့ဈာပနမှာသရော်တဲ့Performance များလုပ်ဦးမှာလားသိချင်ပါဘိ..ညီလေးချိန်ခွင် မောင်မောင်လွင်ရေ...

မင်းသွားနှင့်တော့..သွားနှင့်တော့..နောက်ကလိုက်ခဲ့မယ်လေညီလေးရေ
နာမည်ကောင်းတစ်ခု..ရှင်သေမင်းက..သေရွာမခေါ်နိုင်ဘူး...