သူတို့ဆိုတာ ကိုရွှေထူး(ပြည်)၊ စိုးသော်တာ(ပြည်) နှင့်သရဝဏ်(ပြည်)တို့ သုံးဦးဖြစ်ပါသည်။
သုံးဦးစလုံး နိုင်ငံကျော်ကာတွန်းဆရာ စာရေးဆရာများဖြစ်ကြောင်း ကျွန်တော်ရှင်းပြစရာ လိုမည်မထင်ပါ။ ယခုရက်ပိုင်းအတွင်း ထိုဆရာသုံးဦး ပြည်မြို့သို့ပြန်ခဲ့ကြပြီး Barcamp(Pyay) အခမ်းအနားသို့ တက်ရောက်ခဲ့ကြောင်း သူတို့၏လူမှုကွန်ရက်စာမျက်နှာမှတဆင့် သိခွင့်ရနေပါသည်။ အမှန်တော့ Barcampဆိုသည်မှာ အစဉ်အလာအခမ်းအနားပုံစံမျိုးမှခွဲထွက်လာသော လူငယ်ထုပညာရပ်ဆွေးနွေးဖလှယ်သောပွဲ ဟုဆိုနိုင်ပါ၏။ ပြည်မြို့တွင်ယခုနှစ် Barcamp ပွဲအပါအဝင် လေးကြိမ်ကျင်းပ ခဲ့ပြီးဖြစ်သည်။ ယခင်သုံးကြိမ်ကျင်းပသည့်ပွဲသည် ယခုနှစ်လို နာမည်ကျော်အနုပညာရှင်များ တက်ရောက်ဆွေးနွေးခဲ့ခြင်း မရှိဘူးပါ။ သို့သော် သူအတိုင်းအတာနှင့်သူ အောင်မြင်ခဲ့ပါသည်။ ယခုနှစ်ကဲသို့ ရပ်ဝေးရောက် ပြည်သားအနုပညာရှင်များ ပူးပေါင်းအားဖြည့်လိုက်ခြင်းဖြင့် အချိုပေါ်သကာလောင်း လိုက်သည်ဟု ကျွန်တော်ယူဆပါသည်။ ပွဲပိုလှသွားသည် ဆိုရမည်ပင်။
သို့ပင်သို့ငြားမူလBarcamp ၏အနှစ်သာရကိုထိခိုက်သည်ဟုကျွန်တော်မယူဆပါ။ Barcampဆိုသည်သင်ခန်းစာပို့ချပြီး သင်ကြားမှုပုံစံမဟုတ်မူပဲ မိမိနှစ်သက်ရာအကြောင်းအရာ၊ မိမိဆွေးနွေးလိုသည့်အကြောင်းအရာ ကိုလွတ်လပ်ပွင့်လင်းစွာ ဆွေးနွေးခွင့်ပေးထားပါသည်။
ထိုဆရာသုံးဦးသည် ရန်ကုန်မြို့တွင်အခြေချနေထိုင်ပြီး စာပေနယ်တွင်ကျင်လည်နေရသူများဖြစ်ရာ သူတို့အတွက် အချိန်ပို အင်မတန်ဆင်းရဲမည်မှာ သေချာပါသည်။ သို့သော် မိမိဇာတိရပ်ရွာအရေးနှင့် ပတ်သက်လာသောအခါ အချိန်ဆင်းရဲမှုကို လစ်လျှူရှုခဲ့ပြီး တက်ကြွစွာ ပါဝင်ခဲ့ကြသဖြင့် သာဓုအကြိမ်ကြိမ်ခေါ်ရပါ၏။
အမှန်ကိုပြန်ပြောရလျှင် ထိုဆွေးနွေးပွဲပဌမဆုံး ပြုလုပ်သည့်နှစ်က ကျွန်တော်တက်ရောက်ရန် အစီအစဉ်ရှိခဲ့ဘူးပါ၏။ Organizing Committee မှတာဝန်ခံလူငယ်ကို တယ်လီဖူန်းနှင့်ဆက်သွယ်ပြီး မိမိတက်ရောက်ဆွေးနွေးလိုကြောင်းပင် စာရင်းတို့ခဲ့ပါ၏။
ဦးဆုံးပြုလုပ်သည့်ပွဲမို့ သူတို့စိတ်လှုပ်ရှားမှုရှိနေသည်ကိုလည်း တယ်လီဖုန်းထဲကလူငယ်၏အသံကို နားထောင်ပြီး မိမိခန့်မှန်းမိလိုက်သည်။ ကျွန်တော့်ကိုလည်း လှိုက်လှဲစွာကြိုဆိုလျှက် နေရေး၊စားရေးအစီအစဉ်များကအစ အသေးစိတ်ရှင်းပြပါသည်။ ကျွန်တော်အမှတ်အသားမမှားခဲ့ဘူးဆိုလျှင် နယ်မှတက်ရောက်သူများအတွက် ခရီးစရိတ်တစိတ်တဒေသကိုပြန်ထုတ်ပေးမည်ဟုကြေညာခဲ့သည် ထင်ပါသည်။ ကျွန်တော်ကတော့ပြည်သားဖြစ်ကြောင်း ကျွန်တော့်အတွက်ဘာမှမလိုအပ်ကြောင်း ပြန်ရှင်းပြခဲ့ပါသည်။ ထိုလူငယ်ကပင် မိမိဆွေးနွေးမည့်ခေါင်းစဉ်ကို သိလို့ရမလားဟု မေးလာပါသည်။
ကျွန်တော်ပြည်ကိုပြန်ချင်သည်မှာ ယခုလိုပွဲမျိုးကိုတက်ခွင့်သာလျှင် အသက်ခြောက်ဆယ်နားကပ်နေသော သက်ကြီးပိုင်းကွန်ပျူတာနည်းပညာနှင့်အလှမ်းဝေးနေသူများကို အင်တာနက်၏အသုံးဝင်ပုံနှင့် အသုံးချနိုင်မည့်အခွင့်အလမ်းများ အကြောင်းဆွေးနွေးလိုရင်းဖြစ်ပါသည်။ တနည်းအားဖြင့် သက်ကြီးကွန်ပျူတာမတတ်သူပပျောက်ရေး ဆွေးနွေးလိုရင်းဖြစ်ပါသည်။
ဒါဖြင့် ဦးဆောင်ဆွေးနွေးမည့် ကျွန်တော်က ကွန်ပျူတာဘယ်လောက်တတ်နေပြီလဲ ။ထိုအချက်သည် ကျွန်တော် အဆွေးနွေးချင်ဆုံးပင်။ ကွန်ပျူတာသင်တန်းပင်မတက်ဘူးသော မိမိကိုယ်တွေ့နှင် နှိုင်းယှဉ်ပြီး သိလိုသောအချက်အလက်ကို ကွန်ပျူတာ(သို့)မိုဘိုင်းဖုန်းဖြင့် ဘယ်လိုရှာဖွေရမည်ကို ဆွေးနွေးအားပေးသွားရန် ရည်ရွယ်ပါသည်။
သို့သော်ပွဲနီးကပ်ချိန်တွင် ကိုယ်ရေးကိစ္စတစ်ခု ရုတ်တရက်ပေါ်လာသဖြင့် မသွားလိုက်ရတော့ပါ။ မိမိဇာတိရပ်ရွာအရေးကို ကိုယ်နိုင်သလောက်ပါဝင်လိုသော်လည်း မဆောင်ရွက်နိုင်ခဲ့ကြောင်း ပြောလိုရင်းဖြစ်ပါသည်။ ကျွန်တော်ဆွေးနွေးမည့် Subject သည်ပညာတတ်လူငယ်များ စိတ်မဝင်စားနိုင်သော်ငြား အိုင်တီနည်းပညာနှင့် နီးစပ်မှုမရှိသော လူလတ်နှင့်လူကြီးပိုင်းကို target လုပ်ပါသည်။မိမိစိတ်ကူးများက အကောင်အထည် မပေါ်လာသော်ငြားလည်း နည်းပညာတို့ကဖြင့် ရပ်တန့်မနေပါ။ အဖိုးကြီးတွေကအိုင်တီကိုဝေ;ဝေးရှောင်နေသော်ငြား နည်းပညာတို့က သူတို့ထံအတင်းတိုးခွေ့ ဝင်လာနေပါပြီ။ ဆိုခဲ့သည့်အချိန်ကထက် ယနေ့အင်တာနက်(အထူးသဖြင့်မိုဘိုင်း)နှင့်application များကသုံးစွဲရ အလွန်လွယ်လို့လာနေပါပြီ။ Barcamp ဟူသည်ဆယ်ကျော်သက် တို့အတွက်သာမဟုတ်၊ ဦးဦးတို့ ဒေါ်ဒေါ်တို့ ဖိုးဖိုးဖွားဖွားတို့အတွက်လည်း အကျိုးများနိုင်ကြောင်း ထပ်ကြိုးစားကြည့်ပါဦးမည်။
ဆိုခဲ့သလိုပင်၊ ကျွန်တော်ကတော့ ဆာသော်ဒိုးတို့ ကိုရွှေထူးတို့ သရဝဏ်တို့လို နာမည်ကျော်လည်းမဟုတ်ပါ။ သို့သော်ကိုယ့်မြို့ကိုယ့်ရွာအရေးကိုတော့ဖြင့် ကိုယ်နိုင်သလောက် ထမ်းပိုးချင်သည့် စိတ်ကမလျှော့ပါ။ ကိုယ်မလုပ်နိုင်သေးသော၊ ကိုယ်မလုပ်နိုင်သောတာဝန်ကို ဦးထမ်းပဲ့ထမ်း တမ်းခဲ့ကြကုန်သော ညီငယ်သုံးဦးကို လေးစားဂုဏ်ယူကြောင်းပြောလိုရင်းဖြင့်Barcamp Pyay 2015 ကိုဂုဏ်ပြုလိုက်ပါ၏။
