ပန်းချီကား နှစ်ချပ်

လွပ်လပ်ရေးမရမီ
တော်လှန်ရေး ပန်းချီကားထဲမှာ
ရဲဘော်တစ်ဦး ကျဆုံးသွားတယ်
သေအံ့မူးမူး ရဲဘော်က
လွပ်လပ်မှ အမျှဝေပါလို့
အမှာစကားပါးခဲ့တယ်
၈၈၈၈အရေးတော်ပုံ
ပုန်ကန်မှု ပန်းချီကားထဲမှာ
ကျောင်းသူလေးတစ်ဦး ကျဆုံးသွားတယ်
မသေခင် ကျောင်းသူလေးက
ဒီမိုကရေစီရမှ အမျှဝေပါလို့
နှုတ်ထွက်စကား ပြောခဲ့တယ်
အဲဒီ ပန်းချီကားနှစ်ချပ်ဟာ
သက်ဝင်လွတ်မြောက်ခဲ့ပါပြီလား။

                        မောင်ကြူးရင့်

(၂၈-၉-၁၉)ရက်နေ့ ထုတ် 7 day daily newspaper သတင်းစာ