၁၉၇၅ ခုနှစ်၊ ဇွန်လ (၃)ရက်နေ့၊ ညနေ(၆)နာရီ။
တပ်မတော်ဆေးရုံကြီးပြင်ပလူနာဆောင်ရှေ့သို့လူနာသယ်ယာဉ်ဆိုက်ရောက်လာသည်။သူနှင့်အတူလားရှိူးစစ်ဆေးရုံမှဗိုလ်အဆင့်ဆေးမှူးတစ်ဦးအနီးကပ်လိုက်ပါလာသည်။လားရှိူးတွင်သူရှစ်ရက်ကြာနေခဲ့ရသည်။လားရှိူးဆေးရုံသည် သူ၏အသက်ကိုသေမင်းနှင့်အပြိုင် လုယူထားသည်။ ပုတ်သိုးပြတ်တောက်(gangrene)နေသော ညာဖက်ခြေထောက်ကို သန့်ရှင်းအောင်ဆေးကြောပြီး ဆေးထည့် ပေးရုံသာ ကုသပေးနိုင်သည်။ခြေသလုံးရိုးနှစ်ချောင်းလုံး ကျိုးပဲ့ကြေမွ (Compound fracture) နေသည့်သူ၏ ဘယ်ခြေသလုံးမဏ္ဍိုင်ရိုး(tibia)ကို ခွဲစိတ်ခန်းအတွင်းမှာပင် Anatomy စာအုပ်ဖွင့်ပြီး တပ်မှူးကိုယ်တိုင် တစ်စစီစီပြီးပြန်လည်နေရာချထားသည်။
ဘယ်ဘက်ခြေထောက်သည် ပြတ်လုပြတ်ခင်အခြေအနေမျိုး၊သူတို့မှာရှိသမျှပညာနှင့်အခြေအနေပေးသလောက် ၀ိုင်းဝန်းကြိုးစားကုသပေးသည်။အဓိကအခက်အခဲမှာလူနာသည်ခွဲစိတ်ကုသမှုကိုခံနိုင်လောက်သည့်ကိုယ်ခံအားမရှိခြင်းဖြစ်သည်။သွေးနှင့်ဓါတ်ဆားရည် အဆက်အမပြတ် သွင်းထားပေးရသည်။ဒီတော့ ယာဉ်စီးနိုင်လောက်သည့် အခြေအနေရောက်လျှင် ရန်ကုန်သို့အမြန်ဆုံးပို့ပေးရန် စီစဉ်သည်။
သူကတော့မည်သို့သောကုသမှုနှင့် သူ့ကိုကုသနေသည်ကိုမသိ၊ နာကျင်မှုဝေဒနာ ခံစားနေရသည်ကို လည်းမသိ၊သူအသက်မသေသေးဆိုတာလောက်ပဲ သိတော့သည်။ သတိကလည်းရတချက်၊ မရတချက်။ တပ်မမှူး လာကြည့်ပြီးအားပေးသွားသည်ဟု ပြောသည်။ သူအမှတ်မရ။ သူ၏၀ိဥာဉ်သည် သူနှင့်ပူးတုံခွာတုံ။ ဘာမဆို ဖြစ်သွားနိုင်သောအခြေအနေမျိုး။ဆေးရုံ၏အစဉ်အလာအရ D.I.L (Dangerous Ill List) သတ်မှတ်ထား သည်မို့ အသက်အန္တရယ်ရှိနေဆဲအခြေအနေမျိုးဖြစ်သည်။
လူနာ၏အခြေအနေတည်ငြိမ်စပြုသော(၂-၆-၇၅)ရက်နေ့တွင်မင်္ဂလာဒုံတပ်မတော်ဆေးရုံကြီးသို့လွှဲပြောင်း တော့မည်။တိုက်ဆိုင်လွန်းသည်ဟုပဲဆိုချင်သည်။ ဘယ်လောက်တိုက်ဆိုင်သလဲဆိုရလျှင် ဒီနေ့သည် ကဆုန်လဆုတ်(၉)ရက်၊ သူ၏(၁၉)နှစ်ပြည့်မွေးနေ့။ ရှားရှားပါးပါး မြန်မာရက်နှင့် အင်္ဂလိပ်ရက် တထပ်တည်းကျနေသည်။ဘယ်လောက် ၀မ်းနည်းစရာကောင်းသည့်မွေးနေ့ (Sad Birthday)လဲ။ ဒီလိုမွေးနေ့ရက်မှာ လေယာဉ်စီးပြီးဆေးရုံပြောင်းရတော့မည်။
သူ့စိတ်ထဲမှာခိုင်ခိုင်မာမာယုံကြည်နေတာ တစ်ခုတော့ရှိသည်။ မင်္ဂလာဒုံဆေးရုံသည် သူ့ကိုအပြည့်အ၀ အာမခံချက်ပေးနိုင်ပေလိမ့်မည်ဆိုတာပဲဖြစ်သည်။ သို့နှင့်တိုင် ဒီလိုဆိုးဝါးလှသည့် ကြမ္မာမိုးတွေသည်းသည်း ဖြိုင်ဖြိုင်ရွာလေသည့်ဒီလိုမွေးနေ့မှာ သူမပြောင်းချင်။ ဘာလို့လည်းမမေးပါနဲ့။ သူအဖြေမပေးတတ်ပါ။
ကံကောင်းပါသည်။ထိုင်ခုံနေရာအခက်အခဲကြောင့် နောက်နေ့မှလိုက်ပါခွင့်ရခဲ့ပါသည်။ လားရှိူးမှထွက်သော လေယာဉ်သည်မိုးမိတ်၊ မန္တလေးသို့ ဆင်းသက်ရပ်နားခဲ့ပြီး ညနေ(၅)နာရီခန့်တွင် မင်္ဂလာဒုံလေဆိပ်သို့ဆိုက်ရောက်ခဲ့သည်။ လူနာယာဉ်သည် ကွင်းအတွင်းထိ မောင်းဝင်ခဲ့ပြီး ပြေးလမ်းပေါ်တွင် ချထားသောလူနာကိုသယ်ဆောင်လျှက် ဆေးရုံသို့အပြေးမောင်းနှင်ပါတော့သည်။
ညတွင်းချင်းခွဲစိတ်ခန်းသို့ပို့ပြီး ခွဲစိတ်ကုသမှုလုပ်သည်။ နူးညံ့သိမ်မွေ့သော စကားသံနှင့် အရိုးကုသပါရဂူသည်ကြင်နာသောစကားကို ဆိုလေသည်။
“ခင်ဗျားရဲ့ညာဖက်ခြေထောက်ကတအားပုတ်နေပြီ်၊ ခြေတုတပ်ပြီးလမ်းလျှောက်လို့ရအောင် မေ့ဆေးပေးပြီး ဒူးအထက်ကဖြတ်မယ်၊ဘယ်ဖက်ခြေထောက်ကိုလည်း ကြိုးစားပြီးကုမယ်။ မကောင်းနိုင်ရင်တော့ ဒီဖက်ခြေထောက် လည်းဖြတ်ချင်ဖြတ်ရမယ်၊ ဘယ်နှယ့်လဲ”
သူ့အသက်၊သူ့ဘ၀တစ်ခုလုံး ဆေးကုသမှုအဖွဲ့ထံ ပုံအပ်ပြီးပြီမဟုတ်လော။ စကားမပြန်နိုင်။ ခေါင်းကိုညိတ်သည်ဆိုရုံလေး ညိတ်ပြလိုက်သည်။ သည့်နောက်မေ့ဆေးအစွမ်းဖြင့် လောကကြီးနှင့် အဆက်အသွယ်ပြတ်သွားသည်။ မေ့ဆေးပြယ်စ၊ မသိဝိုးတ၀ါးအချိန်မှာ ဦးဆုံးဘယ်ဘက်လက်ဖြင့် သူ့ဘယ်ခြေရှိရာကိုစမ်းကြည့်သည်။ အေးစက်မာကျောသော အထိအတွေ့ကိုရသည်။ ကျောက်ပတ်တီးစည်းနှောင်ထားသည်ပဲဖြစ်မည်။ဒါဆို ငါ့မှာခြေ တစ်ဖက် ကျန်သေးသည်ပဲဆိုသည့်အသိဖြင့် စိတ်ချလက်ချ သူပြန်မေ့သွားပြန်သည်။
တပ်မတော်ဆေးရုံကြီး၏အရေးပေါ်လူနာထားသည့် ခွဲစိတ်ဆောင်(၁)တွင် D.I.L ဖြင့်သီတင်းသုံးပတ်ကျော် နေခဲ့ရပြီးအခြေအနေစိတ်ချရလောက်သော ဇွန်လနှောင်းပိုင်းရက်တစ်ရက်ဝယ် ခွဲစိတ်ဆောင်(၄)သို့ သူ့ကိုရွှေ့လိုက်သည်။ D.I.L အဆင့်မှ S.I.L (Serious ill list) အဆင့်သို့ ပြင်ဆင်သတ်မှတ်လိုက်ပြီ။အခြေအနေတိုးတက် လာသည့်သဘော။
သူမိုင်းထိမှန်ဒဏ်ရာရသည့်အကြောင်းသူ့အိမ်သို့ တပ်ရင်းကကြေးနန်းဖြင့် အကြောင်းကြားလိုက်သည်။ အဖေအမေရော၊ အဖိုးအဖွားပါရေးကြီးသုတ်ပျာနှင့် တပ်ရင်းရှိရာ တပ်ကုန်းမြို့သို့ ချက်ချင်းလိုက်ကြသည်။ တပ်ရင်းရုံးကလားရှိူးဆေးရုံတွင် ရောက်နေကြောင်း ပြောပြန်တော့ လားရှိူးကိုဆက်လိုက်ကြပြန်သည်။ တစ်ခါမျှမရောက်ဘူးသောမြို့ဆီသို့ သားဇော၊ မြေးဇောဖြင့်အပြေးလိုက်ပြန်လေသော်လည်း လားရှိူးဆေးရုံအရောက်လူနာကိုရန်ကုန်ဆေးရုံလွှဲလိုက်ပြီဆို၍ ရန်ကုန်သို့ခရီးဆက်ရပြန်သည်။ အမေက သူ့သားဆုံးသွားပြီးဖြစ်၍သူ့ကိုလိမ်ညာ ပြောနေသည်အထင်ဖြင့် လားရှိူးဆေးရုံကတော်တော်နှင့် မပြန်ဟုဆိုသည်။
သူ့မိသားစုနှင့်ပြန်ဆုံသည့်ညနေကိုလည်း ဘယ်တော့မှသူမမေ့။ ထိုစဉ်ကခွဲစိတ်ဆောင်(၁)မှာပဲ သူရှိသေးသည်။ဧည့်သည်တွေ့ဆုံချိန်အတွင်း ဟိုးခတ်ဝေးဝေးလူနာခုတင်တွေရှိရာဘက်မှာ သူ့ကိုလိုက်ရှာနေသောသူ၏အဖိုးကိုဦးဆုံး သူမြင်လိုက်သည်။ နောက်မှ အဖေ၊ အမေနှင့် အဖွားကိုတွေ့လိုက်သည်။ သူထွက်ပြေးရကောင်းမလားဟုတွေးလိုက်မိသည်။ သူ၏ပစ္စက္ခအခြေအနေက သူ့မိသားစုကို ဘယ်လိုမှမြင်ရက်စရာ အကြောင်းမမြင်။ဟိုဒီမေးမြန်းရင်း တစ်စုံတစ်ဦးက သူရှိရာခုတင်ကို ညွှန်ပြလိုက်သည်။ အ၀တ်အစားအိတ်တွေကပိုကရိုလွယ်ထားလျှက် သူရှိရာအပြေးတစ်ပိုင်းလာနေသော မိသားစုကို ၀မ်းမြောက်ဝမ်းသာ သူမကြိုဆိုနိုင်ခဲ့။
“ဘယ်လိုဖြစ်တာလဲသားရယ်”
အဖိုး၏မေးခွန်းကိုသူဘယ်လိုဖြေရမလဲ။ အမေနှင့် အဖွားကသူ့ကို ကျောခိုင်းထားသည်။ သူတို့ငိုနေကြမည်။
“ဘာမှမဖြစ်ပါဘူး”ခဏနေရင် ဆေးရုံက ဆင်းရမှာပါ”
သူမျက်ဝန်းကိုပုတ်ခတ်ပုတ်ခတ်ပြုရင်း အဖြေပေးလိုက်သည်။ သူ့မိသားစု သက်သာရာရလိုရငြား ကြိုးစားပြီးအကြောင်းပြချက်ပေးသည်။ ခြေတစ်ဖက်ဖြတ်ထားပြီး ကျောက်ပတ်တီးတစ်ဖက်စည်းထားသော သားကဘာမျှမဖြစ်ပါဘူးဆိုတော့ အမေကသူ့ကို ယုယစွာထွေးပိုက်ရင်း မျက်ရည်ဖြိုင်ဖြိုင်ကျလေသည်။
“မခင်ဝင်း၊ကလေးစိတ်မကောင်းဖြစ်မယ်ကွာ၊ မငိုပါနဲ့ကွာ”
အဖေသည်ငိုသံပါနှင့်အမေ့ကို ဖျောင့်ဖျနေသည်။ အဖွားသည် သူ့သားတစ်ယောက်သဖွယ် ပြုစုစောင့်ရှောက်ခဲ့ရသောမြေး၏အဖြစ်ကိုယူကြုံးမရ။ သူတို့အားလုံး ကြေကွဲဝမ်းနည်းခြင်းကို ဟန်ဆောင်ဖုံးကွယ်ရန် ကြိုးစားခဲ့ပါသော်လည်းအချင်းနှီးပင်။ ထိုနေ့၊ ထိုအချိန်မှစ၍ အဖေသည်သူ့ကို အနီးကပ်လူနာစောင့်အဖြစ် သုံးလကျော်ဆေးရုံတွင် ပြုစုစောင့်ရှောက်ခဲ့ပါသည်။ အမေသည် သူ၏ထမင်းကြော်ဆိုင်ကိုပိတ်သိမ်းပြီးသားလူနာကို ချက်ပြုတ်ကျွေး မွေးရန် ရန်ကုန်မှာပဲရက်ရှည်လများ နေထိုင်ခဲ့ပါသည်။ ညနေလေးနာရီဧည့်သည်တွေ့ချိန်ဆိုလျှင် ရှေ့ဆုံးက အပြေးတစ်ပိုင်း ဆေးရုံအတွင်း ၀င်လာနေသော အမေ့ကိုမျှော်တတ်လာသည်။အမေသည် သားကိုညစာကျွေးပြီးမှ ညခြောက်နာရီခန့်မှ ပြန်လေသည်။ ကားဂိတ်ဆီသို့အဖေက လိုက်ပို့ပေးရသည်။မင်္ဂလာဒုံမှလာသော ကားစီးပြီး မြေနီကုန်းတွင်ဆင်း၊ ထိုမှဆရာစံလမ်းရှိ တည်းခိုရာအိမ်သို့ကားနှစ်ဆင့်စီးပြီးမှ ရောက်သည်။ အဖေကဆေးရုံမှာ တစ်နေကုန်နေပြီး သူ၏ဝေယျာဝစ္စတွေ ဆောင်ရွက်ရလေသည်။မိုးလင်းအိပ်ရာထချိန်မှ ညရောက်သည့်တိုင် လူနာတစ်ယောက်၏ ဗာဟီရတွေကများလွန်းလှသည်။ စိတ်ထိခိုက်စရာအကောင်းဆုံးကဆေးထည့်ချိန်ဖြစ်သည်။ ဆေးထည့်ချိန်ရောက်လျှင် နာကျင်မှုကြောင့် အသံကုန်အော်ဟစ်နေသောသားကိုမကြည့်ရက်၍ ဆေးထည့်ခန်းအတွင်းမှ ရှောင်ထွက်သွားတတ်သည်။ သားအော်ဟစ်သံကို ကြားနေရပြန်တော့အနီးသို့ရောက်လာပြီး ဘယ်သူ့ကို စိတ်ဆိုးရမှန်း မသိဘဲ စိတ်ဆိုးနေတတ်ပြန်သည်။
တစ်ခါကသူသွေးသွင်းရ၏။ သွေးသွင်းပေးသူမှာ ဒုတိယနှစ်စစ်သူနာပြု အမျိုးသမီး၊ သူ၏သွေးကြောကိုတော်တော်နှင့်ရှာမတွေ့၊ သူ၏လက်ဖျံမှာ အပ်ရာဗရပွဖောက်ခံထားပြီး ဖြစ်သည့်တိုင် သွေးကြောကိုမတွေ့ရသေး။တွေ့ပြန်လျှင်လည်း ခေတ္တသာ၊ သွေးကြောမမိ၍ လက်ဖျံယောင်လာပြန်သည်။ သွေးပုလင်းတစ်ဝက်ခန့်သာကုန်သွားသည်။ ခန္ဓာကိုယ်အတွင်းမရောက်ဘဲ ဖိတ်တစ်ဝက်၊ စဉ်တစ်ဝက်မို့ အဖေဒေါသထွက်လာသည်။သူလည်း စိတ်ညစ်စပြုလာသည်။ နောက်ဆုံးအဖေ စိတ်တိုပြီးထဆဲသည်။ မကြာလိုက်၊ အမျိုးသားသူနာပြုရဲဘော်တစ်ဦးအကြောရှာပေးမှ အောင်မြင်စွာသွေးသွင်းခြင်း ပြီးစီးလေတော့သည်။
သူဒဏ်ရာရခြင်းသည်နိုင်ငံတော်အတွက် ဘယ်လောက်ဆုံးရှုံးသွားပြီလဲ၊ သူမတွက်ချက်တတ်ပါ။ သို့ရာတွင် သူ၏မိသားစုဘ၀ကိုကောင်းကောင်းထိခိုက်ခဲ့ရပါလေသည်။ အဖေရော၊ အမေရော တစ်နေ့လုပ်မှတစ်နေ့စားရသူတွေမို့ မိသားစုစီးပွားရေးတွေအခိုက်အတန့်ရပ်ခဲ့ရပြီ။ အမေ၏ဆိုင်လုပ်ငန်းဆိုလျှင် လုံးဝပိတ်လိုက်ရသည်။ အဖေက ကားအရောင်းအ၀ယ်အလုပ်သည်မို့အချိန်ပိုင်းထွက်လုပ်လို့ရနေသည်။ လောကကြီးသည် အဆိုးဆုံးဆိုတာတွေကိုချည်း ယူမလာပါ။ ထိုရက်များအတွင်းအဖေ့လုပ်ငန်းသည် အဆင်ပြေနေသဖြင့် သူတို့စားဝတ်နေရေး အခက်အခဲသိတ်မဖြစ်ပါ။ သားဒဏ်ရာကိုအကြောင်းပြုပြီး ရန်ကုန်သို့ပြောင်းရွှေ့ရန်အထိ သူတို့စဉ်းစားခဲ့ကြသည်ဟု သိရသည်။ ထိုစဉ်ကတောင်ဥက္ကလာမြင်သာတိုက်ခန်းတစ်ခန်း၏ပေါက်ဈေးမှာ ကျပ်ခုနှစ်ထောင်မှ ရှစ်ထောင်အတွင်းသာရှိသည်။ ပြည်မှာနေရတာ အခြေတကျဖြစ်နေပြီမို့မ၀ယ်ဖြစ်လိုက်တော့။
မည်သို့ဆိုစေ၊ညနေလေးနာရီထိုးပြီးလျှင် မင်္ဂလာဒုံတပ်မတော်ဆေးရုံကြီး၏ ဒုတိယထပ်က စစ်သည်လေးတစ်ဦးသည်ပြတင်းဝကိုလှမ်းကြည့်ရင်း သူ့မိခင်ကိုမျှော်နေတတ်ပြီ။ မိဘမေတ္တာကို ခံစားနားလည် တတ်လေပြီ။
မောင့်မိမောင့်ဘ၊ငါတို့စသည့်
တကွမကွာ၊နှစ်တရာလျှင်
ဖျားနာဖဲကြဉ်၊စည်းစိမ်းရှင်လျှက်
ဝိဥာဉ်မပြောင်း၊မြင်ရကောင်းမှု
မြင်ကြောင်းပစ္စည်း၊လုံ့လဆည်း၍
ခမည်းမောင့်သွင်၊လ၀န်းပြင်သို့
ရှုချင်ဖရဲ၊တလဲလဲလျှင်
မကွဲမပြို၊မြင်ကြလို၏။
(ကိုးခန်းပျို့ )
